नेको इन्स्योरेन्स लिमिटेडले लिलामीमा ल्याएको शेयर बाँडफांड भएको छ । कम्पनीले हकप्रद निष्काशन गर्दा हकप्रदमा अवितरित शेयरहरु वैशाख १२ गतेदेखि वैशाख २१ गतेसम्म लिलाममा ल्याएको थियो।
कम्पनीले लिलामीमा ल्याएको ति शेयरहरु वैशाख २६ गते बाँडफांड गरेको हो । कम्पनीका अनुसार सर्वसाधारण समूहतर्फको शेयरको कट अफ मूल्य ६९७.८७ रुपैयाँ कायम भएको छ। सो मूल्य भन्दा माथि कबुल गरेर आवेदन दिने सबैले शेयर पाएका छन् । सो मूल्य मै आवेदन दिनेले भने समानुपातिक रुपमा शेयर पाएका छन् ।
कम्पनीले आज जेठ ४ गते आइतबारदेखि लिलामीमा परेको पैसा फिर्ता गर्ने जनाएको छ। पैसा नआएमा शेयरधनीले बिक्री प्रबन्धक सानिमा क्यापिटलमा सम्पर्क गर्न सक्ने छन्।
कम्पनीले फागुन ८ गतेदेखि चैत्र १४ गतेसम्म १:०.२५ को अनुपातमा हाल कायम चुक्ता पुँजीको २५ प्रतिशतले हुन आउने ५० करोड ३० लाख ९० हजार १ सय ५५ रुपैयाँको ५० लाख ३० हजार ९ सय १ दशमलव ५५ कित्ता हकप्रद शेयर निष्काशन गरेको थियो। ति हकप्रद शेयर गत चैत्र ३१ गते बाँडफाँड गरिएको थियो । सो निष्काशनमा रितपुर्वक आवेदन दिने शेयरधनीलाई ४८ लाख ५ हजार ६ सय ४० दशमलव २० कित्ता हकप्रद बाँडफाँड गरिएको थियो। हकप्रदमा बिक्री नभएको २ लाख २५ हजार २ सय ६१ दशमलव ३५ कित्ता शेयर लिलाममा आएको थियो ।
