पारामाउण्ट मोटर्सले ‘एमजी एस-६’ नेपाल भित्र्याएको छ । पारामाउण्टले नयाँ एसयूभी एस-६लाई सोमबार नेपाली बजारमा आधिकारिक रुपमा लन्च गर्ने भएको छ ।
एक पटकको चार्जमा ५३० किलोमिटर रेन्ज दिने यो एसयूभी कम्पनीको ईभी लाइनअप मध्येकै ठूलो मोडल हो ।
यो एसयूभीमा १८० किलोवाट आवर क्षमताको रियर ह्वील इलेक्ट्रीक मोटर जडित छ । यसमा ७७ किलोवाट आवरको ब्याट्री प्याक छ । १४४ किलोवाट क्षमताको डीसी चार्जर सपोर्ट गर्ने एस-६ ईभी ३८ मिनेटमा १० देखि ८० प्रतिशतसम्म चार्ज हुने बताइएको छ ।
रियर ह्वील ड्राइभमा आएको यस एसयूभीमा विभिन्न फिचर्सहरु छन् । ड्यासबोर्डमा १२.८ इन्चको स्क्रीन, ११ वटा स्पिकर, सनरुफ जस्ता विशेषता यसमा पाउन सकिन्छ ।
यसका अरु विशेषता र मूल्य भने कम्पनीले गाडी लन्च गर्दा नै सार्वजनिक गर्नेछ ।
