ग्रीन भेन्चर्स लिमिटेडले हकप्रद निष्काशन गर्ने भएको छ। कम्पनीले पुस ३० गते बोलाएको साधारणसभामा हकप्रद प्रस्ताव पेश गर्न लागेको हो ।
कम्पनीले हाल कायम चुक्ता पुंजीको १:१ को अनुपातमा हकप्रद निष्काशन गर्ने प्रस्ताव गरेको हो । कम्पनीले कालीगण्डकी गर्ज हाइड्रोपावर प्रा. लिको बहुमत शेयर खरिद गरेको थियो। ग्रीन भेन्चर्सले कालीगण्डकी गर्ज हाइड्रोपावर प्रा. लिको ५१ प्रतिशत संस्थापक शेयरहरु खरिद गर्ने सम्बन्धमा गत भदौ १० मा शेयर खरिद सम्झौता गरेको थियो। सो कालीगण्डकी गर्ज हाइड्रोपावर प्रा. लि. ले म्याग्दी र मुस्ताङ्ग जिल्ला स्थित कालीगण्डकी नदीमा १८० मेगावाट क्षमताको अर्धजलाशययुक्त (Peaking Run of the River – PROR) कालीगण्डकी गर्ज हाइड्रोपावर प्रोजेक्टको विकास तथा निर्माण गरिरहेको छ ।
सोहि आयोजनामा लगानी गर्न कम्पनीले हकप्रद निष्काशन गर्ने प्रस्ताव गरेको हो । सो आयोजनाको कुल लागत ३९ अर्ब ५० करोड २४ लाख रुपैयाँ रहेको छ ।
कम्पनीले साधारणसभा प्रयोजनको लागि पुस १६ गते बुक क्लोज गर्ने निर्णय गरेको छ। पुस १५ गतेसम्म कायम शेयरधनीले मात्र कम्पनीको सभामा भाग लिन सक्ने छन्। कम्पनीले लाभांश प्रस्ताव गरेको छैन ।
