हालै आईपीओ निष्काशन गरेको झापा इनर्जी लिमिटेडले साधारणसभा आह्वान गरेको छ । कम्पनीले पुस १८ गते साधारणसभा आह्वान गरेको हो ।
कम्पनीले साधारणसभा प्रयोजनको लागि पुस ४ गते बुक क्लोज गर्ने निर्णय गरेको छ। पुस ३ गतेसम्म कायम शेयरधनीले मात्र सभामा भाग लिन सक्ने छन् । कम्पनीले लाभांश प्रस्ताव गरेको छैन ।
यस्ता छन् कम्पनीको सभामा पेश हुने प्रस्तावहरु:
क) सामान्य प्रस्तावहरु:
१) अध्यक्षको मन्तव्य तथा सातौ वार्षिक साधारण सभाका लागि संचालक समितिको तर्फबाट प्रस्तुत वार्षिक प्रतिवेदन उपर छलफल गरि पारित गर्ने ।
२)कम्पनीको लेखापरीक्षकद्वारा प्रस्तुत आ.व. २०८१/८२ को लेखापरीक्षण प्रतिवेदन सहितको वित्तीय विवरण ( वासलात, नाफा नोक्सान हिसाब, नगद प्रवाह विवरण, अनुसुची सहितको वित्तीय विवरणहरु) अनुमोदन गर्ने ।
३) कम्पनीको सहायक कम्पनी झापा एग्रो ईण्डष्ट्रिज प्रा. लि. सहितको आ.व. २०८१/८२ को लेखापरीक्षण गरिएको एकीकृत (Consolidated) वित्तीय विवरण अनुमोदन गर्ने ।
४) कम्पनी ऐन, २०६३ को दफा १११ बमोजिम आ.व. २०८२/८३ का लागि लेखापरीक्षकको नियुक्ति गर्ने र पारिश्रमिक तोक्ने ।
५) संचालक समितीको आ.व. २०८१/८२ मा गरेका निर्णयहरु छलफल गरी अनुमोदन गर्ने ।
६) कम्पनीको नियमावलीको नियम २७ (२) बमोजिम सर्वसाधारण समूहबाट दुई (२) जना सञ्चालकको निर्वाचन / चयन गर्ने ।
विशेष प्रस्तावहरुः
१) संचालक समितिका सदस्यहरुको तलब तथा बैठक भत्ता छलफल गरि पारित गर्ने ।
२) संगठनात्मक ढाँचा ( Organizational Chart) मा प्रमुख सल्लाहकार रहने गरी संशोधन गर्ने ।
