स्यार्पु पावर कम्पनीले आईपीओ निष्काशन गर्ने भएको छ। कम्पनीले आईपीओ निष्काशन गर्ने विशेष प्रस्ताव सहित साधारणसभा बोलाएको हो ।
कम्पनीले असार २६ गते साधारणसभा बोलाएको हो । कम्पनीको सभामा आईपीओ निष्काशन गर्ने, पुंजीको उपयोगबारे निर्णय गर्ने, प्रबन्धपत्र र नियमावलीमा आवश्यक संशोधन गर्ने लगायतका विशेष प्रस्ताव पेश हुने छन् ।
यस्ता छन् कम्पनीको सभामा पेश हुने प्रस्तावहरु :
सामान्य प्रस्तावः
(१) आर्थिक वर्ष २०८०/०८१ को सञ्चालक समितिको प्रतिवेदन बारे
(२) लेखापरीक्षकको प्रतिवेदन सहित २०८१ आषाढ मसान्तको वासलात, सोही मितिमा समाप्त आर्थिक वर्ष २०८०/०८१ को नाफा नोक्सान हिसाव तथा नगद प्रवाह विवरण लगायतका वित्तीय विवरणहरु बारे ।
(३) कम्पनी ऐन २०६३ को दफा १११ अनुसार आर्थिक वर्ष २०८१/०८२ को लागि लेखापरिक्षकको नियुक्ति गर्ने र निजको पारिश्रमिक निर्धारण गर्ने बारे ।
विशेष प्रस्तावः
(१) कम्पनीको प्रबन्धपत्र र नियमावली संशोधन गर्ने बारे ।
(२) कम्पनीको प्रबन्धपत्र संशोधन भई कायम हुने जगेडा शेयर बिक्री गर्ने बारे ।
(३) कम्पनीले सर्वसाधारणका लागि प्राथमिक शेयर निष्काशन गर्ने बारे ।
(४) प्रारम्भिक सार्वजनिक निष्काशनबाट प्राप्त हुने रकमको उपयोग गर्ने बारे ।
