नेपाल माइक्रो इन्स्योरेन्स कम्पनीले साधारणसभा आह्वान गरेको छ। कम्पनीले जेठ १६ गते शुक्रबार चितवनको भरतपुर स्थित भरतपुर गार्डेन रिसोर्टमा सभा आह्वान गरेको हो ।
कम्पनीले साधारणसभा प्रयोजनको लागि जेठ ८ गते बुक क्लोज गर्ने निर्णय गरेको छ। जेठ ७ गतेसम्म कायम शेयरधनीले मात्र सभामा भाग लिन सक्ने छन् । कम्पनीले लाभांश प्रस्ताव गरेको छैन ।
यस्ता छन् कम्पनीको सभामा पेश हुने प्रस्तावहरु:
१. संचालक समितिको तर्फबाट अध्यक्षद्वारा प्रस्तुत आ.व. २०८० / ०८१ को वार्षिक प्रतिवेदन उपर छलफल गरि पारित गर्ने सम्बन्धमा ।
२. लेखापरीक्षकको प्रतिवेदन सहित कम्पनीको आ.व. २०८०/०८१ को वासलात, नाफा नोक्सान हिसाब तथा नगद प्रवाह विवरण र सोसँग सम्बन्धित अनुसूचीहरु सहितको वित्तीय विवरण उपर छलफल गरि पारित गर्ने सम्बन्धमा ।
३ कम्पनी ऐन, २०६३ को दफा १११ बमोजिम कम्पनीको आ.व. २०८१ / ०८२ को लागि बाहय् लेखापरीक्षकको नियुक्ति र निजको पारिश्रमिक निर्धारण गर्ने सम्बन्धमा ।
४. सर्वसाधारण शेयर धनीको प्रतिनिधित्व गर्ने २ जना सञ्चालकहरुको नियुक्ति (निर्वाचन) गर्ने सम्बन्धमा ।
५. संचालकहरुको बैठक भत्ता, दैनिक भ्रमण भत्ता तथा अन्य सेवा सुविधाका सम्बन्धमा ।
६. कम्पनीले सामाजिक उत्तर दायित्व अन्तर्गत गरेको खर्च अनुमोदन सम्बन्धमा।
