आज बुधबार शेयर बजार परिसूचक नेप्से दोहोरो अंकले बढेको छ । आज नेप्से सूचक २३.२५ अंकले बढेर २१७५.४० को बिन्दुमा पुगेर रोकिएको छ ।
आज कारोबारमा आएका ३२२ कम्पनीका १ करोड ५२ लाख ९६ हजार ७ सय ३९ कित्ता खरिद बिक्रीबाट ५ अर्ब ७४ करोड ४० लाख ८३ हजार ३ सय ९१ रुपैयाँ ५१ पैसाको कारोबार भएको छ। जसमध्ये हाथवे इन्भेष्टमेन्टको सर्वाधिक १५ करोड ८ लाखको कारोबार भएको छ भने जानकी फाइनान्सको १४ करोड ८२ लाख तथा एनआरएन इन्फ्रास्ट्रकचर एण्ड डेभलपमेन्टको ११ करोड ३९ लाखको कारोबार भएको छ।
आज कारोबारमा आएकामध्ये बलेफी हाइड्रोको शेयर मूल्य सर्वाधिक ९.९९ प्रतिशत बढेको छ भने कुमारी बैंकको ऋणपत्रको शेयर मूल्य ८.६६ प्रतिशत बढेको छ । त्यस्तै सिक्लेस हाइड्रोको शेयर मूल्य ८.३२ प्रतिशत तथा सिद्धार्थ बैंकको ऋणपत्रको शेयर मूल्य ८.१३ प्रतिशत बढेको छ।
आज बुद्दभुमि नेपाल हाइड्रोको शेयर मूल्य सर्वाधिक १० प्रतिशत घटेको छ भने समाज लघुवित्तको शेयर मूल्य ९.८८ प्रतिशत घटेको छ ।
आज कारोबारमा आएका मध्ये विकास बैंक समूह बाहेकका सबै समूहगत सूचक बढेका छन् । जसमध्ये बैंकिंग समूह सर्वाधिक १.६९ प्रतिशत तथा लघुवित्त समूह १.५४ प्रतिशत बढेको छ । विकास बैंक समूह भने ०.२९ प्रतिशत घटेको छ।
