नेपाल इन्फ्रास्ट्रक्चर्स इन्भेष्टमेन्ट फण्डले पशुपति रिन्यूएबल्स लिमिटेडमा लगानी गरेको छ। नेपालमा नविकरणीय उर्जा प्रबर्दन गर्नको लागि पशुपति रिन्यूएबल्समा लगानी गरिएको फण्डले जनाएको छ ।
पशुपति रिन्यूएबल्सले कपिलवस्तुमा १० मेगावाट क्षमताको धरमनगर सोलार आयोजना १ र १५ मेगावाट क्षमताको धरमनगर सोलार फार्म २ गरि कुल २५ मेगावाट क्षमताको आयोजना निर्माण गरिरहेको छ । आयोजनाबाट उत्पादित विद्युतलाई ३३ के.भी. प्रसारण लाईन मार्फत नेपाल विद्युत प्राधिकारणको शिवपुर सब-स्टेशनमा जोडिने छ। पब्लिक कम्पनीको रुपमा रहेको पशुपति रिन्यूएबल्सले आईपीओ निष्काशनको तयारी पनि गरिरहेको छ ।
सोलार आयोजना किफायती तथा भरपर्दो हुने तथा जलविद्युतको तुलनामा सौर्य ऊर्जा प्लान्टहरूले कम वातावरणीय प्रभाव प्रदान गर्ने भएकोले लगानी गरिएको फण्डले जनाएको छ ।
नेपाल इन्फ्रास्ट्रकचर्स इन्भेष्टमेन्ट फण्डमा ग्लोबल इक्विटी फण्ड, हिमालयन लाइफ इन्स्योरेन्स र हिमालयन एभरेष्ट इन्स्योरेन्सको लगानी रहेको छ । यस फण्डले उपाय सिटी कार्गो, दिगो इलेक्ट्रिक भेइकल्स, मेवा डेभलपर्स, एबिआई, तत्व फार्म्स , उर्जा इम्याक्ट फण्ड लगायतमा लगानी गरेको छ ।
