नेपाल बीमक संघका नवनिर्वाचित अध्यक्ष बिरेन्द्र बैदवार क्षेत्रीले ‘प्रत्येक घरवास, सुरक्षाको आभाष’ भन्ने नाराका साथ आवासीय तथा व्यवसायिक भवनको बीमा गर्ने वातावरण बनाउन संघले सम्बन्धित निकाय र सरोकारवालासँग सहकार्य गर्ने प्रतिवद्धता जनाएका छन् । संघको साधारणसभामा बोल्दै सिद्धार्थ प्रिमियर इन्स्योरेन्सका प्रमुख कार्यकारी अधिकृतसमेत रहेका क्षेत्रीले विभिन्न १२ बुँदे प्रतिवद्धता जनाउँदै यस्तो बताएका हुन् ।
उनले विपन्न तथा निम्न वर्गका नागरिकहरु प्राकृतिक प्रकोपबाट सबैभन्दा बढी प्रभावित हुने भएकाले बीमाको दायरामा समाहित गरि बीमा पहुँचको खाडल कम गर्न ‘जलवायु परिवर्तनको छैन सीमा, सुनिश्चित गरौँ समावेशी बीमा’ भन्ने नारालाई व्यहारमा लागू गर्न आफू क्रियाशील रहने पनि प्रतिवद्धता जनाएका छन् । यस्तै, उनले बीमा मध्यस्थकर्ता (सर्भेयर, अभिकर्ता, पुर्नबीमा दलाल र तेस्रो पक्ष सहजकर्ता)हरुको कार्यसम्पादनलाई पारदर्शी गराउने पनि जनाएका छन् ।
नवनिर्वाचित अध्यक्ष क्षेत्रीले जलविद्युत तथा ठूला परियोजनाहरुको पुर्नबीमा गर्न स्वदेशी पुर्नवीमकलाई अनिवार्य गर्नको लागि आवश्यक नीति तर्जुमा गर्न नियामक निकायलाई अनुरोध गर्ने पनि प्रतिवद्धता जाहेर गरेका छन् ।
साथै, निर्विरोध रुपमा संघको नयाँ कार्यसमिति चयन गर्न सहयोग गरेकोमा उनले सबै सदस्य र निवर्तमान कार्यसमितिका पदाधिकारीप्रति धन्यवाद पनि व्यक्त गरेका छन् ।
यस्ता छन् १२ बुँदे प्रतिवद्धताः
