गार्डियन माइक्रो लाइफ इन्स्योरेन्स लिमिटेडले निष्काशन गरेको आईपीओ आज आइतबार बाँडफाँड हुँदै छ । बिक्री प्रबन्धक कुमारी क्यापिटलका अनुसार आज माघ ६ गते आइतबार बिहान ९ बजे शेयर बाँडफाँड गरिने छ। आईपीओको प्रि अलोटमेन्ट गत बुधबार साँझ गरिएको थियो।
कम्पनीले पुस २१ गतेदेखि पुस २४ गतेसम्म आम सर्वसाधारणको लागि आईपीओ निष्काशन गरेको थियो। कम्पनीले सर्वसाधारणलाई १८ करोड ४५ लाख रुपैयाँ बराबरको १८ लाख ४५ हजार कित्ता शेयर निष्काशन गरेको थियो। आईपीओमा १९ लाख भन्दा धेरै आवेदकले आवेदन दिएका छन्।
भिडियो हेर्न यहाँ क्लिक गर्नुहोला
नेपाल धितोपत्र बोर्डले कम्पनीलाई मङ्सिर ७ गते शेयर निष्काशनको अनुमति प्रदान गरेको थियो । बोर्डले कम्पनीलाई कुल २२ करोड ५० लाख रुपैयाँ बराबरको २२ लाख ५० हजार कित्ता शेयर निष्काशनको अनुमति प्रदान गरेको थियो। जस मध्ये २ लाख २५ हजार कित्ता श्रम स्वीकृति लिई वैदेशिक रोजगारीमा रहेका नेपालीलाई, १ लाख १२ हजार ५ सय कित्ता सामुहिक लगानी कोषहरुको लागि , ६७ हजार ५ सय कित्ता कम्पनीका कर्मचारीको लागि , र बाँकि रहेको १८ लाख ४५ हजार कित्ता सर्वसाधारणको लागि छुट्याईएको हो ।
यो पनि : गार्डियन माइक्रो लाइफ आईपीओ रिभ्यु: कस्तो छ कम्पनी, को को छन् ठूला शेयरधनी ?
