सानिमा रिलायन्स लाइफ इन्स्योरेन्सको संस्थापक तथा कर्मचारीहरुको नाममा रहेको शेयरको लक इन अवधि २०८१ साउन २९ गते समाप्त हुने भएको छ ।
कम्पनीले आईपीओ निष्काशन गरि बाँडफांड गरेको ३ वर्ष पुरा भएकोले साविक सानिमा लाइफ इन्स्योरेन्सको संस्थापक शेयरधनीको नाममा रहेको १ करोड ४० लाख कित्ता शेयर र कर्मचारीहरुको नाममा रहेको ३ लाख कित्ता गरि कुल १ करोड ४३ लाख कित्ता शेयरको लक् इन अवधि २०८१ साउन २९ गते समाप्त हुने भएको हो।
शेयरको लकइन् अवधि सकिने भएपनि कम्पनीका संस्थापक शेयरधनीले दोस्रो बजारबाट सहजै आफ्नो नाममा रहेको शेयर बिक्री गर्न पाउने छैनन् । त्यस्तै कम्पनीको संचालक समितिका पदाधिकारीहरु तथा उच्च व्यवस्थापन तहमा रहेका कर्मचारीहरुले भने खरीद बिक्री गर्न पाउने छैनन् ।
