हविव बैंक लि.को स्वामित्वमा रहेको हिमालयन बैंकको सम्पूर्ण संस्थापक शेयर नेशनल लाइफ इन्स्योरेन्सको नाममा आएको छ । हविवको स्वामित्वमा रहेको हिमालयन बैंकको २ करोड ८० लाख १२ हजार ४ सय ४७ दशमलव ४५ कित्ता शेयर नेशनल लाइफ इन्स्योरेन्सले खरिद गरि नामसारी प्रक्रिया समेत सम्पन्न भएको हो।
हविवले आफ्नो नाममा रहेको हिमालयन बैंकको सम्पूर्ण संस्थापक शेयर हाल कायम संस्थापक शेयरधनीलाई एक मूष्ठ बिक्रि गर्न सार्वजनिक सूचना प्रकाशित गरेको थियो। हिमालयन बैंकको संस्थापक शेयरधनीको हैसियतले नेशनल लाइफ इन्स्योरेन्स कम्पनीले सो शेयर खरीदको लागि निवेदन पेश गरी खरीद प्रकृया अघि बढेको थियो। सम्बन्धित नियामक निकायहरुको स्विकृतीमा प्रचलित जीवन बीमकको लगानी निर्देशन भित्र रही सवै आवश्यक प्रकृयाहरु पूरा गरी ति सबै शेयर प्रति कित्ता रु.११८.८८ को दरले तीन अरब तेत्तीस करोड एक लाख उन्नाइस हजार सात सय वाउन्न रुपैयाँ पचासी पैसामा खरिद गरिएको नेशनल लाइफले जनाएको छ ।
सो शेयर खरिदवाट कम्पनीको लगानी विविधीकरण भई दिगो प्रतिफल आर्जन हुने र सम्बन्धित सबै सरोकारवालाहरु लाभान्वित हुने विश्वास नेशनल लाइफले व्यक्त गरेको छ।
