नेपाल बीमा प्राधिकरणले सबै खाले बीमाका भूक्तानी अनलाइनबाट गर्न निर्देशन दिएको छ । प्राधिकरणले माघ १ गतेदेखि बीमाका सबै खाले भूक्तानीहरू अनिवार्य रूपमा विद्युतीय प्रणाली मार्फत गर्ने व्यवस्था मिलाउन कम्पनीहरूलाई निर्देशन दिएको हो ।
जीवन बीमा कम्पनी, निर्जीवन बीमा कम्पनी, लघु बीमा कम्पनी, पुनर्बीमा कम्पनीलाई माघ १ गतेदेखि सबै प्रकारका भूक्तानीहरू विद्युतीय प्रणालीमार्फत सम्बन्धित व्यक्ति वा संस्थाका बैंक खातामा अनिवार्य भूक्तानी गर्ने प्रबन्ध मिलाउन निर्देशन दिइएको प्राधिकरणका कार्यकारी निर्देशक तथा प्रवक्ता शुशीलदेव सुवेदीले जानकारी दिए ।
यसअघि प्राधिकरणले बीमा कम्पनीका सबै कर्मचारी तथा श्रमिकहरूलाई पारिश्रमिक तथा ज्याला भूक्तानी गर्दा अनिवार्य रूपमा बैंक वा वित्तीय संस्थामार्फत गर्न निर्देशन दिएको थियो ।
