ट्रष्ट माइक्रो इन्स्योरेन्सको प्रथम वार्षिक साधारणसभा सम्पन्न भएको छ। कम्पनीले असार २२ गते शनिवार बुटवल स्थित आफ्नै केन्द्रीय कार्यालयमा साधारणसभा सम्पन्न गरेको छ ।
साधारणसभाले कम्पनीको सञ्चालक सदस्यहरुमा जगत पोखरेल, दिपक बोहरा, रचित कुमार अग्रवाल, पूजा सिंगल र नमराज न्यौपानेलाई चयन गरेको छ। कम्पनीको अध्यक्षमा पुनः जगत बहादुर पोखरेल चयन भएका छन् ।
सभाले आर्थिक वर्ष २०७९/८० को वार्षिक तथा लेखापरीक्षकको प्रतिवेदनसहित २०८० असार मसान्तसम्मको वासलात, नाफा–नोक्सान हिसाब, नगद प्रवाह वितरणलगायत सोही अवधिको वित्तीय विवरणहरुसहित अनुसूचीहरुउपर छलफल गरी पारित गरेको छ। सभाले सर्वसाधारणका लागि आईपीओ ल्याउने विशेष प्रस्ताव पारित गरेको छ ।
कम्पनीले लुम्बिनी प्रदेशका ग्रामीण भेगका सर्वसाधारणलाई बीमाको पँहूचमा ल्याउने उद्धेश्यले घुम्ती बीमा सेवा शुरु गर्ने भएको छ । चैत ८ गतेबाट औपाचारिक रुपमा बुटवलबाट सेवा शुरु गरेको कम्पनीले देशभरका झण्डै १ दर्जन शाखा तथा उपशाखामार्फत निर्जिवन बीमा सेवा प्रदान गरिरहेको छ ।
