नेपाल इन्भेष्टर्स फोरमका अध्यक्ष तुलसीराम ढकालले मौद्रिक नीति आंशिक मात्र आएको बताएका छन् । आफ्ना सबै माग पुरा नभएकोले मौद्रिक नीति आंशिक मात्र भएको उनको भनाई छ।
संस्थागत लगानीकर्ताको लागि शेयर धितोकर्जाको सीमा हटाउनु स्वागतयोग्य रहेको अध्यक्ष ढकाल बताउछन् । बैंक तथा वित्तीय संस्थालाई सहजीकरण गर्ने, ब्याजदर नियन्त्रण गर्ने , निर्माण क्षेत्रलाई सहुलियत दिने, लघुवित्तलाई मर्जरको लागि प्रोत्साहन गर्ने लगायतका मौद्रिक नीतिले गरेका अन्य व्यवस्था पनि पुँजीबजारको लागि राम्रो नै हुने उनको भनाई छ।
तर आफ्ना दुईवटा माग अझै यथावत रहेको उनको भनाई छ । शेयर धितोकर्जाको जोखिमभारलाई १२५ प्रतिशतबाट घटाएर १०० प्रतिशत कायम गरिनु पर्ने र शेयर धितोकर्जाको बयक्तिगत सीमा हटाउनु पर्ने माग अझै कायम नै रहेको उनी बताउछन् ।
यो पनि : अन्तिम पटकमा गभर्नरले ल्याए लचिलो मौद्रिक नीति: बैंक, लघुवित्तदेखि शेयर लगानीकर्तालाई राहत
