नेपाल अतिकम विकसित देश (एलडीसी)बाट विकासशील राष्ट्रमा स्तरोन्नति हुने अवधि ३ वर्ष थप भएको छ । संयुक्त राष्ट्रसंघको महासभाले नेपाल र बंगलादेशलाई एलडीसीको सूचीबाट स्तरोन्नति गर्ने अवधि सन् २०२९ नोभेम्बर २४ सम्म थप गर्ने निर्णय गरेको हो ।
संयुक्त राष्ट्रसंघ महासभाको ८१औँ बैठकले नेपाल र बंगलादेशको स्तरोन्नतिको तयारी अवधि थप गर्ने निर्णय गरेको हो ।
यसअघि सन् २०२६ को नोभेम्बर २४ मा स्तरोन्नतिको तालिका थियो । जेन् जी आन्दोलनका कारण अर्थतन्त्रमा परेको नकारात्मक प्रभाव बाँकी रहेको भन्दै सरकारले ३ वर्ष अवधि थप गर्न संयुक्त राष्ट्रसंघ समक्ष अनुरोध गरेको थियो । अहिले भोटेकोशी बाढीका कारण अर्थतन्त्र थप प्रतिकुल बनेको अवस्था राष्ट्रसंघले थप ३ वर्षको तयारी अवधि प्रदान गरेसँगै नेपाललाई केही राहत पुगेको छ ।
