‘शार्क ट्यांक नेपाल’का एपिसोडहरू ‘शार्क ट्यांक इन्डिया’को युट्युब च्यानलबाट प्रसारण हुन थालेको छ। ‘शार्क ट्यांक नेपाल’को एपिसोड १३ र १४ ‘शार्क ट्यांक इन्डिया’को युट्युब च्यानलबाट सार्वजनिक भएको छ।
‘शार्क ट्यांक नेपाल’का अघिल्ला र आगामी एपिसोड पनि ‘शार्क ट्यांक इन्डिया’का युट्युब च्यानलमा आउने बताईएको छ। यस अघि शार्क ट्यांक नेपालको एपिसोड हिमालयन टिभीको युट्युब च्यानलबाट सार्वजनिक हुने गरेको थियो। तर प्राविधिक कारणले गर्दा हिमालयन टिभीको युट्युब च्यानलबाट एपिसोड प्रसारण गर्न नसकिएको शार्क ट्यांक नेपालले जनाएको छ।
‘शार्क ट्यांक नेपाल’ बुधबार र बिहीबार राती ९ बजेदेखि हिमालय टिभीमा प्रसारण हुदै आएको छ, जसलाई टिकटकमा पनि लाइभ हेर्न सकिन्छ ।
शार्क ट्यांक नेपालको पहिलो सिजनका लागि आईएमई ग्रुपका सहसंस्थापक हेमराज ढकाल, अग्नी ग्रुपका संस्थापक क्याविनेट श्रेष्ठ, बैद्य अर्गनाइजेसनकी निर्देशक ऋतुसिंह बैद्य, निम्बस ग्रुपका प्रबन्ध निर्देशक आनन्द बगरिया र पद्दम ज्योति ग्रुपका निर्देशक शौरभ ज्योति रहेका शार्कका रुपमा अनुवन्ध छन् ।
