शार्क ट्यांक नेपालको ११ औं एपिसोडमा चुकुल एपका संस्थापक तथा अध्यक्ष बिमोददेव पन्तले शार्कहरुसामु आफ्नो प्रोडक्टबारे पिच गरेका छन् । चुकुल एप शेयरबजारका लगानीकर्तालाई कारोबारमा सहज पार्ने एप हो, जसले कारोबारको लागि बाई, सेल लगायतका विभिन्न सिग्नल दिएर लगानीकर्तालाई कारोबारबारे निर्णय गर्न सघाउछ।
पन्तका अनुसार अहिले चुकुल एपले बेसिक प्याकेज र डायमण्ड प्याकेज बिक्री गरिरहेको छ। बेसिक प्याकेज मासिक प्याकेज हो जसको मूल्य २४ सय ९९ रहेको छ। डायमण्ड प्याकेज वार्षिक प्याकेज हो, जसको मूल्य २३ हजार ३ सय ३३ रहेको छ।
उनले प्याकेज बिक्रीबाट २०२३ मा ९३ लाख, २०२४ मा २ करोड ४२ लाख र २०२५ को हालसम्म ६८ लाख आम्दानी गरेको बताए । उनले हालसम्म एपका ८३ सय बढी प्रयोगकर्ता रहेको र यो लेभलको एप अहिले अरु कसैले उत्पादन नगरेको बताए । पन्तले कम्पनीको भ्यालुएसन २५ करोड गरेर ३० प्रतिशत शेयरको लागि शार्कहरुसँग ७.५ करोड लगानीको लागि माग गरेका थिए।
तर शार्कहरुले कम्पनीको भ्यालुएसन धेरै भएको र नियमकीय व्यवस्था नरहेको भन्दै लगानी गर्न चाहेनन्। यद्यपि पन्तले ईसेवा र पठाओको उदाहरण दिदै प्रविधिको हकमा पहिले प्रोडक्ट आउने र पछि मात्र नीति नियम आउने गरेको भन्दै समय संगै चुकुल एपको हकमा पनि समयसंगै नीतिगत व्यवस्था हुने अपेक्षा गरे।
शार्क आनन्द बगरियाले नियामकबाट नै स्वीकृत नभएकोले लगानी गर्न नसक्ने बताए । साथै धेरै नै भ्यालुएसन गरेर शार्कको लगानी नलिने गरि आएको जस्तो देखिएको टिप्पणी गरे । शार्क क्याबिनेट श्रेष्ठले आफु शेयर ट्रेडिङमा खासै नरहेको र आफुले यो विषय नबुझेकोले लगानी नगर्ने बताए। शार्क ऋतुसिंह बैद्यले कसैले कसैलाई पनि शेयर खरिद बिक्रीको लागि इन्फ्लुएन्स गर्न नपाइने व्यवस्था रहेकोले त्यसबारे चासो राखेकी थिईन् । बिमोदले यो एपले विभिन्न सिग्नल मात्र दिने भएकोले यो एजुकेसनल प्रपोजको लागि भएको बताए। धेरै रकम माग गरिएको, भ्यालुएसन नमिलेको र नियामकबाट नै स्वीकृति नरहेकोले लगानी नगर्ने बताईन् ।
शार्क सौरभ ज्योतिले धेरै नै विषय सुल्झन बाँकि रहेको र माग गरिएको रकम पनि ठूलो भएकोले लगानी नगर्ने बताए । शार्क हेमराज ढकालले पनि रेगुलेसन क्लियर नभएको र भ्यालुएसन धेरै भएकोले लगानी नगर्ने बताए ।
एपिसोड प्रसारण भएपछि पन्तले मुख्य थिम नै कार्यक्रमबाट काटिएको गुनासो गरेका छन् । उनले एक जना शार्क आफ्नो एपको प्रयोगकर्ता रहेको विषय, एपका संम्स्थागत क्लायन्टका विषय काटिएको बताएका छन् । साथै एपबारे अन्य धेरै जानकारी प्रस्तुत गर्न नपाएको बताएका छन् । यद्यपि कुन एपिसोड कहिले प्रसारण गर्ने, के के विषय समावेश गर्ने भन्ने सर्वाधिकार शार्क ट्यांक नेपाल मै रहन्छ ।
कुराकानीको क्रममा शार्क हेमराज ढकालले पन्तलाई ‘म तपाईलाई चिन्छु, यति राम्रो प्रोडक्ट बनाउनु भएकोमा धन्यवाद’ भनेकोले पन्तले भनेका चुकुल एपका ग्राहक हेमराज ढकाल हुन सक्ने अनुमान दर्शकले गरेका छन् ।
पठाओको उदाहरण दिएछन्, युनिटी पनि छ उदाहरण बिचार गरौं । युनिटीको उद्घाटन कतिजना अनपढ, गंवार असक्षम भ्रष्टाचारी प्र. म. ले गरेका थिए रे ।