वर्षमा १ सय कामदारलाई विदेश पठाउन नसकेका ३२६ म्यानपावर कम्पनीको इजाजतपत्र निलम्बनमा परेको छ । वैदेशिक रोजगार विभागले गत आर्थिक वर्ष २०८१/०८२ भित्र १ सय जना कामदार पठाउन नसकेका म्यानपावर कम्पनीको इजाजतपत्र निलम्बन गरेको हो ।
वैदेशिक रोजगार ऐन २०६४ अनुसार दुई वर्षसम्म लगातार वार्षिक १ सय कामदार पठाउन नसक्ने म्यानपावरको इजाजतपत्र रद्द हुने प्रावधान छ । जस अनुसार गत आर्थिक वर्षमा १ सय जना कामदार पठाउन नसकेका ३२६ म्यानपावर कम्पनीको इजाजतपत्र रद्द गरिएको विभागले जनाएको छ ।
तर, वैदेशिक रोजगार ऐन संशोधन भएर उक्त प्रावधान हटिसकेको छ । तर, राष्ट्रपतिबाट प्रमाणीकरण हुन बाँकी छ । यस्तो अवस्थामा अब बाधा अड्काउ फुकाउ मार्फत गरेर उनीहरुको निलम्बन फुकुवा हुने वैदेशिक रोजगार विभागका महानिर्देशक कमलप्रसाद भट्टराईले जानकारी दिए ।
