आर्थिक वर्ष २०८१/८२ मा नेपालले १८ खर्ब ४ अर्ब १२ करोड रुपैयाँ बराबरको बस्तु तथा सेवा आयात गरेको छ । अघिल्लो आर्थिक वर्षको तुलनामा आयात १३.२५ प्रतिशतले बढेको हो । आर्थिक वर्ष २०८०/८१ मा नेपालले कुल १५ खर्ब ९२ अर्ब ९८ करोड रुपैयाँ बराबरको बस्तु तथा सेवा आयात गरेको थियो ।
आयातसंगै नेपालको निर्यात पनि बढेको छ । आर्थिक वर्ष २०८१/८२ मा नेपालको निर्यात ८१.८० प्रतिशतले बढेको हो । आर्थिक वर्ष २०८१/८२ मा नेपालले २ खर्ब ७७ अर्ब रुपैयाँको बस्तु तथा सेवा निर्यात भएको छ । अघिल्लो आर्थिक वर्षमा यस्तो निर्यात १ खर्ब ५२ अर्ब रुपैयाँको भएको थियो ।
आर्थिक वर्ष २०८१/८२ मा नेपालले २० खर्ब ८१ अर्ब १५ करोडको वैदेशिक व्यापार गरेको छ। अघिल्लो आवको तुलनामा यो १९.२४ प्रतिशत बढी हो । अघिल्लो आवमा नेपालको वैदेशिक व्यापार १७ खर्ब ४५ अर्ब ३६ करोड रहेको थियो ।
आर्थिक वर्ष २०८१/८२ मा नेपालको ब्यापार घाटा १५ खर्ब २७ अर्ब ९ करोड रुपैयाँ रहेको छ। जुन अघिल्लो आवको तुलनामा ६ प्रतिशत बढी हो । अघिल्लो आवमा १४ खर्ब ४० अर्ब ६० करोड रुपैयाँ व्यापार घाटा रहेको थियो।
