वाणिज्य, आपूर्ति तथा उपभोक्ता हित संरक्षण विभागले थप ३ वटा कन्सल्टेन्सीलाई नगद जरिवाना तिराएको छ । सोमबार ५ वटा कन्सल्टेन्सीलाई नगद जरिवाना तोकेको विभागले मंगलबार थप ३ कन्सल्टेन्सीलाई जरिवाना तोकेको हो ।
काठमाडौँ महानगरपालिका वडा नम्बर ४ मा रहेको स्टडी हक ग्लोबल प्रा.लि. लाई विभागले ६० हजार जरिवाना तोकेको छ । साथै, व्यवसायसँग सम्बन्धित कागजात लिएर ३ दिनभित्र उपस्थित हुन पनि निर्देशन दिएको छ ।
यस्तै, मध्यपूर नगरपालिका वडा नम्बर ४ मा रहेको हिमालयन एजुकेशन ग्रुप सर्भिसलाई पनि विभागले ५१ हजार रुपैयाँ जरिवाना तोकेको छ ।
काठमाडौँ महानगरपालिका १४ मा रहेको प्रिज्म इन्टरनेशनल ल्याङ्वेज प्रा.लि.लाई पनि विभागले ५० हजार रुपैयाँ जरिवाना तोकेको छ ।
पछिल्लो समय विभागले कन्सल्टेन्सी लक्षित अनुगमन चलाइरहेको छ ।
