यती एयरलाइन्सले फागुन २१ गते अर्थात् प्रतिनिधिसभा निर्वाचनका दिन उडान नगर्ने भएको छ । कम्पनीले फागुन २१ गतेका सबै उडान स्थगित गरेको हो ।
यतीले सूचना जारी गरेरै फागुन २१ (मार्च ५) मा उडान नहुने जानकारी गराएको हो । कम्पनीका अनुसार फागुन २२ बाट उडानहरु नियमित हुनेछन् ।
निर्वाचन आयोगले चुनावका दिन आन्तरिक उडान नरोक्ने भन्दै कम्पनीहरुलाई सवारी पासको प्रबन्ध गरेको भएपनि यतीले उडान नगर्ने भएको हो । यती एयरलाइन्सका अनुसार काठमाडौँ विमानस्थलमा निर्वाचनका दिन यात्रुहरुका लागि सटल बस सेवा उपलब्ध हुने भएपनि अन्य विमानस्थलमा यो सुविधा उपलब्ध नहुँदा यात्रा सहज नहुने भएकाले उडान स्थगित गरिएको हो ।
