दशैं, तिहार र छठ पर्व मनाउन आफ्नो घर जाने हुन्डाई ग्राहकहरुको सुरक्षित र झन्झटरहित यात्रा सुनिश्चित गर्न लक्ष्मी इन्टरकन्टिनेन्टल प्रा.लि.ले ‘हुन्डाई हाईवे एस्सुरेन्सः केयर फ्री राइड टु होम’ सेवा सुरु गर्ने भएको छ । हुन्डाई गाडीको नेपालका लागि एक मात्र आधिकारिक विक्रेता लक्ष्मी इन्टरकन्टिनेन्टलले असोज २२ देखि २५ गतेसम्म हरेक दिन बिहान १० बजे देखि बेलुका ६ बजेसम्म यो सेवा उपलब्ध गराउने भएको हो ।
यस सेवा अन्तर्गत मुख्य राजमार्गहरुका प्रमुख स्थानमा निःशुल्क सवारी जाँच सेवा उपलब्ध गराइने कम्पनीले जनाएको छ ।
हुन्डाईले आफ्ना दक्ष प्राविधिकसहित ९ प्रमुख स्थानहरु (हेटौंडा, जनकपुर, दमक, बिर्तामोड, गजुरी, भरतपुर, बुटवल, बाँके र कैलाली)मा चेकअप पोइन्टहरू स्थापित गरेको छ । कम्पनीले सवारी जाँचसँगै गाडीलाई चाहिने लुब्रिकेंट र कुलेंट आवश्यक मात्रामा निःशुल्क प्रदान गर्नेछ ।
विद्युतीय सवारी साधनका लागि पोर्टेबल डी.सी. चार्जरहरू पनि उपलब्ध हुनेछन् । यस चाडपर्वको रमाइलोमा आफ्ना ग्राहकहरूलाई सवारी साधनको कुनै पनि चिन्ताबाट मुक्त गराउनु यस अभियानको उद्देश्य रहेको कम्पनीको भनाइ छ ।
२०१४ देखी संचालनमा रहेको हुन्डाई हाईवे एस्सुरेन्सः केयर फ्री राइड टु होम अभियान हुन्डाईको बिक्री पछिको सेवाको प्रतिवद्धताको प्रमाण भएको कम्पनीले जनाएको छ ।
