एमजीको प्रिमियम इलेक्ट्रीक पिकअप ‘यू नाइन’ नेपाल आउने भएको छ । पारामाउण्ट मोटर्सले केही समयमै प्रिमियम ईभी पिकअप ‘यू नाइन’लाई नेपाल भित्र्याउने भएको हो ।
लक्जरी र फ्यागशिप गरी दुई भेरियन्टमा उपलब्ध हुने यो ईभी पिकअप आधुनिक प्रविधि र विशेषतायुक्त छ । यसमा १२५ किलोवाटको फ्रन्ट इलेक्ट्रिक मोटर र २०० किलोवाटको रियर इलेक्ट्रीक मोटर छ ।
१०२.२ किलोवाट आवर क्षमताको एलएफपी ब्याट्री प्याकमा आउने यस ईभी पिकअपले एकपटकको फुलचार्जमा ४३० किलोमिटर रेन्ज दिनेछ । फास्ट चार्जिङले ४२ मिनेटमा ८० प्रतिशतसम्म चार्ज गर्न सकिन्छ ।
नर्मल, इको, स्पोर्ट, स्नो, अफरोड कस्टम ड्राइभिङ मोडहरू भएको ‘यू नाइनको इन्टेरियार पनि आधुनिक छ । अरु विशेषताहरु कम्पनीले गाडीसँगै सार्वजनिक गर्ने तयारी गरेको कम्पनीका अधिकारीहरुले बताएका छन् ।
