नेपाली नयाँ वर्ष २०८३ को अवसर पारेर एलआरआर मोटर्स प्रा.लि. ले आफ्नो प्रिमियम विद्युतीय सवारी जिली ईएक्स५ म्याक्समा आकर्षक नयाँ वर्ष विशेष अफर सार्वजनिक गरेको छ ।
“नयाँ ऊर्जा, नयाँ यात्रा र नयाँ अनुभव” नाम दिइएको उक्त योजना २०८२ चैत्र १ देखि २०८३ को वैशाख ७ सम्म लागू रहने कम्पनीले जनाएको छ।
यस अवधिभित्र जिली ईएक्स५ म्याक्स खरिद गर्ने ग्राहकहरूले विभिन्न विशेष सुविधा र उपहार पाउनेछन् । कम्पनीका अनुसार योजना अन्तर्गत दुई जनाका लागि छ रात सात दिनको थाइल्याण्ड भ्रमण प्रमुख आकर्षणका रूपमा समावेश गरिएको छ ।
यसका अतिरिक्त ग्राहकहरूले स्मार्ट कफी मेसिन, एडप्टेबल चार्जर, आकर्षक नगद छुट, झन्झटरहित किस्ता सुविधा, एक वर्षको निःशुल्क सवारी बीमा तथा एक वर्षको निःशुल्क सडक कर जस्ता लाभहरू पाउनेछन् ।
कम्पनीका बिक्री तथा सञ्चालन प्रमुख अधिर श्रेष्ठले नयाँ वर्षको अवसरमा ग्राहकलाई अझ विशेष अनुभव प्रदान गर्ने उद्देश्यले योजना ल्याइएको बताए । उनका अनुसार विद्युतीय सवारीप्रति बढ्दो आकर्षणलाई ध्यानमा राख्दै ग्राहकलाई थप मूल्य दिने गरी यस्तो योजना तयार गरिएको हो ।
एलआरआर मोटर्सले अत्याधुनिक प्रविधि, उच्च सुरक्षा र प्रिमियम अनुभवलाई केन्द्रमा राख्दै जिली ईएक्स५ विद्युतीय सवारी नेपाली बजारमा उपलब्ध गराउँदै आएको छ । कम्पनीले नयाँ वर्ष लक्षित यो योजना विद्युतीय सवारीतर्फ ग्राहकको आकर्षण बढाउने विश्वास व्यक्त गरेको छ ।
कम्पनीले सीमित अवधिका लागि लागू भएको यस अफरको लाभ लिन इच्छुक ग्राहकलाई आफ्नो प्रदर्शनी कक्षमा सम्पर्क गर्न आग्रह गरेको छ ।
