नेपाली बजारमा MAXUS EV को मूल्य संशोधन भएको छ । कम्पनीले आफ्ना ३ प्रिमियम EV मोडलको मूल्य संशोधन गरेको हो ।
संशोधित मूल्यअनुसार MAXUS eTerron 9 Luxury को मूल्य १ करोड १० लाख, eTerron 9 Premium को मूल्य १ करोड १८ लाख र प्रिमियम इलेक्ट्रिक MPV MAXUS MIFA 7 को मूल्य १ करोड २४ लाख ९९ हजार रुपैयाँ तोकिएको छ ।
ग्राहक पहुँच र सेवाको गुणस्तर सुधार गर्ने उद्देश्यले MAXUS ले आफ्नो आधिकारिक डिलर सञ्जाल पनि विस्तार गरेको छ । हाल कम्पनीका डिलरहरू काठमाडौं, पोखरा, विराटनगर र बिर्तामोडमा सञ्चालनमा छन् । बुटवल, नारायणगढ र नेपालगञ्जमा नयाँ डिलर सञ्चालनमा ल्याउने प्रक्रिया अन्तिम चरणमा रहेको कम्पनीले जनाएको छ ।
सेवा सुविधातर्फ काठमाडौं उपत्यकामा स्वयम्भू र धोबीघाटमा MAXUS का सेवा केन्द्र सञ्चालनमा आएका छन् । उपत्यका बाहिर पोखरा, विराटनगर र बिर्तामोडबाट पनि सेवा उपलब्ध हुने जनाइएको छ ।
MAXUS eTerron 9 इलेक्ट्रिक पिकअप सेग्मेन्टमा उच्च क्षमताका लागि चिनिन्छ । यसमा ३२५ kW डुअल मोटर छ, जसले ७०० एनएम टर्क जेनेरेट गर्छ । यसमा जडित १०२ kWh ब्याट्रीले ५६० किलोमिटर सम्मको रेञ्ज दिने दाबी गरिएको छ ।
साथै, स्वतन्त्र एयर सस्पेन्सन र एड्जस्टेबल राइड हाइटको सुविधा पनि रहेको छ, जसले अफरोड र खराब सडकमा समेत सहज यात्रा सुनिश्चित गर्ने कम्पनीको भनाइ छ।
डिलर तथा सेवा सञ्जाल विस्तारसँगै MAXUS ले नेपालमा सफा र स्मार्ट यातायात प्रवर्द्धनमा निरन्तर योगदान पुर्याइरहेको जनाएको छ ।
