चिनियाँ ब्रान्ड एक्सपेङको नेपालका लागि आधिकारिक बिक्रेता सीजी मोटर्सले ‘एक्सपेङ एक्स–९’ नेपाली बजारमा भित्र्याएको छ । सीजीले नाडा अटो शो २०२५ को अवसरमा एक्स–९ सार्वजनिक गरेको हो ।
८४.५ किलोवाट आवरको एलएफपी ब्याट्री प्याकमा आएको यसले एक पटकको फुल चार्जमा ५ सय किलोमिटरभन्दा बढी रेन्ज दिने दाबी गरिएको छ ।
२३५ किलोवाटको फ्रन्ट ह्वील ड्राइभ मोटर जडित एक्स–९ को मूल्य कम्पनीले २ करोड २० लाख रुपैयाँ तोकेको छ । ५२९३ एमएम लम्बाई, १९८८ एमएम चौडाइ र १७८५ एमएम उचाइ रहेको यस गाडीलाई सीजी मोटर्सले आफ्नो प्रिमीयम मोडलका रुपमा नेपाल भित्र्याएको हो ।
