१७औँ संस्करणको नाडा अटो शो २०२५ को उद्घाटन प्रधानमन्त्री केपी शर्मा ओलीले गर्ने पक्का भएको छ । नाडा अटोमोबाइल्स एसोसियशन अफ नेपालले आइतबार प्रधानमन्त्री ओलीलाई अटो शोको प्रमुख अतिथिका रुपमा निमन्त्रणा गरेको हो । नाडा अध्यक्ष करा चौधरीका अनुसार नाडाको आग्रहलाई प्रधानमन्त्रीले स्वीकार गरेका छन् ।
१७औँ संस्करणको नाडा अटो शो २०८२ भाद्र ३ गतेदेखि ८ गतेसम्म भृकुटीमण्डपमा आयोजना हुँदैछ । यस वर्षको अटो शोमा १२५ भन्दा बढी प्रदर्शक, ३० भन्दा बढी सवारी साधनका ब्रान्डहरू, इलेक्ट्रिक, हाइब्रिड र स्मार्ट मोबिलिटी समाधानहरू, विन्टेज मोटर शो, पहिलोपटक नेपालमा प्रदर्शन हुँदै गरेका UNITREE रोबोट्स् र Deepal eVTOL UAV जस्ता आकर्षक र भविष्य उन्मुख प्रविधिहरू देख्न पाइने छ ।
प्रधानमन्त्रीसँगको भेटभाटमा नाडाका उपाध्यक्ष राजनबाबु श्रेष्ठ, महासचिव सुरेन्द्रकुमार उप्रेती, सचिव विक्रम सिंहानिया, कोषाध्यक्ष मिलनबाबु मल्ल, सहकोषाध्यक्ष पंकज अग्रवाल तथा केन्द्रीय कार्य समिति सदस्य मेघराज पौडेल समेतको उपस्थिति रहेको थियो ।
