बुधबारबाट सुरु भएको नाइमा नेपाल मोबिलिटी एक्स्पो २०२५ मा लन्च भएका गाडीमध्ये सबैभन्दा महँगो ब्राण्ड हो म्याक्ससको ‘मिफा–७’ । चाइनाको प्रख्यात SAIC Motor group अन्तर्गतको Maxus ब्रान्डको गाडी हो ।
यसलाई म्याक्ससको नेपालका लागि आधिकारिक वितरक हिमालय मोट्रक्सले नेपालमा ल्याएको हो । हिमालयन मोट्रक्स हिमालय अर्गनाइजेसन अन्तर्गतको कम्पनी हो ।
नाइमामा लन्च भएकामध्ये सबैभन्दा महँगो गाडी नै ‘मिफा–७’ हो । यसको मूल्य १ करोड २५ लाख रुपैयाँ तोकिएको छ । कम्पनीले अहिले बुकिङ गर्दा यस प्रीमियम ईभीमा १० लाख नगद छुट दिने स्किम पनि घोषणा गरेको छ ।
