नेपाल अटोमोबाइल इमपोर्टर्स एण्ड म्यानुफ्याक्चरर्स एशोसिएशन (नाइमा)ले आजबाट काठमाडौँमा “नाइमा नेपाल मोबिलिटी एक्स्पो २०२५” सुरु गरेको छ। एक्स्पोको उपप्रधान तथा अर्थमन्त्री विष्णु पौडेलले उद्घाटन गरेका छन् ।
जारी एक्स्पोमा अटोमोबाइल कम्पनीहरूले विश्व बजारमा हालै मात्रै आएका नयाँ नयाँ मोडल तथ ब्राण्डहरु सार्वजनिक गरेका छन् । नेपालमा सवारी आयातकर्ता कम्पनीहरुले उपभोक्तालाई आकर्षित गर्ने छुट तथा स्किमहरू ल्याएका छन् ।
Fourth Friday EV: ४०० किमी रेन्जको स्मार्ट एसयूभी
Laxmi E-Mobility ले चीनको चर्चित ब्रान्ड Fourth Friday EV नेपालमा भित्र्याएको छ । ६४.४ kWh ब्याट्रीसहितको यस गाडीले ४०० किमी रेन्ज प्रदान गर्छ ।
ADAS, ६ एयरब्याग, ३६० डिग्री क्यामरा, डुअल टचस्क्रिन जस्ता आधुनिक फिचर्सले भरिपूर्ण यस ईभीको मूल्य सामान्य अवस्थामा ५४ लाख ९६ हजार पर्छ । तर, नाइमामा कम्पनीले घोषणा गरेको अफर मूल्य ४८ लाख ९६ हजार छ ।
BYD Seagull: सस्तो, भरपर्दो र पुरस्कृत ह्याचब्याक
विश्वव्यापी रूपमा सफल ठहरिएको BYD Seagull नेपालमा २८ लाख ९५ हजारको सुरुवाती मूल्यमा उपलब्ध गराइएको छ । बीवाईडीको आधिकारिक वितरक साइमेक्स इंक प्रालिले ह्याचब्याक बीवाईडी एट्टो १ लाई आधिकारिक रूपमा लन्च गरेको हो ।
‘वर्ल्ड कार अवार्ड’ विजेता एट्टो १ (BYD Seagull) मा ४५ kW मोटर ६ एयरब्याग जस्ता फिचर्स छन् ।
किफायती, सुरक्षित र स्टाइलिस ईभी BYD Seagull को अर्को भेरियन्टको मूल्य ३२.९९ लाख तोकिएको छ ।
हुण्डाईका गाडी किन्दा ८ लाखसम्म छुट
नाइमा एक्स्पोमा हुन्डाईका गाडी किन्दा ८ लाख रुपैयाँसम्म छुट पाइने भएको छ । लक्ष्मी इन्टरकन्टिनेन्टल प्रा.लि.ले नाइमा एक्स्पो लक्षित ‘हुन्डाई अवेसम अगष्ट’ स्किममार्फत आकर्षक छुट अफर ल्याएको हो ।
यस स्किममा ग्राहकहरूले हुन्डाईका गाडी किन्दा ८ लाख रुपैयाँसम्म नगद छुट पाउनुका साथै १ वर्षको निःशुल्क बीमा पनि पाउनेछन् । गाडीमा ३ तीन वर्षको वारेन्टी पनि पाउने छन् । हुन्डाईका ग्राण्ड आइ १०, भेन्यु, क्रेटा इलेक्ट्रीक, क्रेटा आइस र आयोनिक ५ किन्दा यो अफर लागू हुनेछ ।
यस योजनामा बम्पर पुरस्कारका रूपमा एक जोडीले ३ रात ४ दिनको भियतनाम भ्रमणको अवसर पनि पाउने छन् ।
Maxus MIFA-7: १० लाख नगद छुट
एमपीभी सेग्मेन्टमा Himalaya Motorex ले Maxus MIFA-7 सार्वजनिक गरेको छ । ९० किलोवाट आवर क्षमताको ब्याट्रीयुक्त यस EV ले एक पटकको चार्जमा ६३५ किमी यात्रा गर्न सक्छ।
कम्पनीले अहिले बुकिङ गर्दा १० लाख नगद छुट दिने भएको छ । यसको सामान्य अवस्थाको मूल्य १ करोड २५ लाख छ ।
Omoda J5 SUV: छुट अफर
SPG Automobiles ले प्रस्तुत गरेको Omoda J5 SUV ले ADAS, ५४० डिग्री क्यामरा, प्यानोरोमिक सनरुफ र अत्याधुनिक डिजिटल क्लस्टरसहित उपभोक्ताको ध्यान तानेको छ।
नियमित मूल्य ६०–६५ लाखको आसपास रहेको यस गाडीको अफर मूल्य ५६ लाख ९९ हजार तोकिएको छ ।
Lipmotor B-10 SUV: १० लाख नगद छुट
Shangrila Motors ले चीनको Lipmotor B-10 ल्याएको छ । नियमित मूल्य ६० लाख रहेको यसको अफर प्राइस ४९.९९ लाख तोकिएको छ ।
उच्च भेरियन्टको अफर मूल्य ५६.९९ लाख तोकिएको छ । यसमा ६७.१kWh ब्याट्री, स्मार्ट पार्किङ, १२ स्पीकर, १४.६ इन्चको टचस्क्रिन जस्ता फिचर्स छन् ।
Kaiyi X3 Pro EV: ९ लाख रुपैयाँको भारी छुट
नेपालमा काईई (Kaiyi) ब्रान्डका विद्युतीय सवारीसाधनको आधिकारिक वितरक G.O. अटोमोबाइल्स प्रा.लि. र लक्ष्मी ई–मोबिलिटीले Kaiyi X3 Pro EV को Flagship Top Variant मा विशेष छुटसहितको ‘बबाल अफर’ सार्वजनिक गरेका छन् ।
नाइमा नेपाल मोबिलिटी एक्स्पो २०२५ को अवसरमा ल्याइएको यो सीमित अवधिको अफर अन्तर्गत Kaiyi X3 Pro EV Flagship अब मात्र ३९ लाख ९६ हजारमा उपलब्ध छ । यसअघि यस मोडलको मूल्य रु ४८ लाख ९६ हजार थियो। यसरी मूल्यमा झण्डै ९ लाख रुपैयाँको भारी छुट दिइएको हो ।
अफरमा ७.३ Kw होम चार्जर, ८ वर्षको वारेन्टी, ६ वर्ष निःशुल्क सर्भिस र स्पेयर टायर (बोनसमा) पनि पाइनेछ ।
