शंकर समूह अन्तर्गतको जगदम्बा मोटर्स प्रा.लि.ले विद्युतीय सवारी क्षेत्रमा आफ्नो उपस्थिति विस्तार गर्दै १४ देखि १९ सिट क्षमताका व्यावसायिक ईभी गाडीहरू सार्वजनिक गर्दैछ । यी गाडीहरू Farizon, Chery Wanda र King Long जस्ता चिनियाँ प्रख्यात ब्रान्डहरूमार्फत उपलब्ध गराइएका हुन् ।
NAIMA नेपाल मोबिलिटी एक्स्पो २०२५ मा जगदम्बा मोटर्सले आफ्नो व्यावसायिक ईभी गाडीहरूको प्रदर्शन गर्दै नेपालको विद्युतीय सवारी क्षेत्रमा थप गति ल्याउने विश्वास व्यक्त गरेको छ ।
निजी सवारीपछि अब व्यावसायिक सवारीतर्फ पनि विद्युतीय गाडीप्रतिको आकर्षण तीव्र हुँदै गएको सन्दर्भमा जगदम्बा मोटर्सले यस्तो व्यावसायिक ईभी विकल्प ल्याएको हो ।
जगदम्बा मोटर्सका वरिष्ठ उपाध्यक्ष राजु भेट्वालले भने, ‘हामी विविध व्यावसायिक समाधानहरू प्रस्तुत गर्दै एक्स्पोमा सहभागी भएका छौं । विद्युतीय सवारी साधनको उपस्थितिलाई अझ बलियो र प्रभावकारी बनाउने दिशामा विविधता ल्याउन आवश्यक छ, त्यहीँ अनुरुप हामीले १४ देखि १९ सिट क्षमताका व्यावसायिक ईभी गाडीहरू सार्वजनिक गर्दैछौँ ।’
प्रदर्शित मोडलहरू:
Farizon – १९ सिटर प्रिमियम इलेक्ट्रिक भ्यान
चीनको Geely समूह अन्तर्गत निर्माण गरिएको Farizon ब्रान्डको यो भ्यान उच्च प्रविधि, सुरक्षा र यात्रु सुविधाले भरिएको छ।
मुख्य विशेषता र फाइदाहरू:
-
Geely ब्रान्ड अन्तर्गतको विश्वस्त निर्माण
-
शंकर समूहको व्यावसायिक वितरण सञ्जाल
-
शुद्ध EV प्लेटफर्म – न्यून मर्मत खर्च
-
EU WVTA प्रमाणित – अन्तर्राष्ट्रिय सुरक्षा मान्यता
-
१९ सिटर क्षमतायुक्त प्रिमियम सिट
-
१७० kW इलेक्ट्रिक मोटर – चढाइ मार्गमा सहज
-
८२.८८ kWh लिथियम ब्याट्री – लामो रेन्ज
-
चारैपाङ्ग्रामा डिस्क ब्रेक र आधुनिक सुरक्षा प्याकेज (एयरब्याग, ABS, EBD, हिल होल्ड, ADAS, 360 क्यामेरा)
-
चालकका लागि AC, हिटर, तातो सिट/स्टेयरिङजस्ता सुविधा
-
ब्याट्री वारन्टी: ४ वर्ष वा ७ लाख किमी | मोटर: ५ वर्ष वा २ लाख किमी
-
सुरुवाती मूल्य: रु. ७६,९०,०००
Chery Wanda – १४ सिटर माइक्रोबस
Chery र Wanda जस्ता चिनियाँ टप ब्रान्डद्वारा निर्मित १४ सिटर ईभी माइक्रोबस छोटो दूरीको यात्रा, शहरभित्रको कम्युट तथा कर्मचारी ओसारपसारका लागि उपयुक्त छ।
मुख्य विशेषता:
-
५३.५८ kWh CATL ब्याट्री
-
३०० किमी (NEDC) दाबी गरिएको रेन्ज
-
१८० मिमी ग्राउन्ड क्लियरेन्स
-
ब्याट्री वारन्टी: ५ वर्ष वा ३ लाख किमी | मोटर: ५ वर्ष वा २ लाख किमी
-
मूल्य: रु. ५६,५०,०००
जगदम्बा मोटर्सले एक्स्पोमा बुकिङ गर्ने ग्राहकहरूका लागि विशेष छुट र अफर पनि उपलब्ध गराउने जनाएको छ ।
