विद्युतीय स्कुटर ब्रान्ड एथरको नयाँ मोडल रिज्ता नेपाली बजारमा प्रवेश गरेको छ । नेपालका लागि एथरको आधिकारिक वितरक वैद्य इनर्जीले स्कुटरको प्रि–लन्च र टेष्ट ड्राइभ सम्पन्न गरेको हो ।
वैद्य इनर्जीले नेपाल ल्याएको ‘एथर रिज्ता’को टप भेरियन्ट नेपाल ल्याएको हो । भारतमा भने एथर रिज्ताका रिज्ता एस, रिज्ता जेड २.९ किलोवाट, रिज्ता जेड ३.७ किलोवाट गरी तीन भेरियन्टमा उपलब्ध छ ।
३.७ किलोवाट आवर ब्याट्री क्षमता भएको रिज्ता जेडको टप भेरियन्टले पटकको फुल चार्जमा १२५ किलोमिटरको रेन्ज दिने बताइएको छ । यसको टप स्पिड प्रतिघण्टा ८० किलोमिटर रहेको छ ।
कम्पनीले यसको ब्याट्रीमा ५ वर्ष वा ६० हजार किलोमिटरको वारेन्टी दिएको छ । मोटरमा ३ वर्ष वा ३० हजार किलोमिटरको वारेन्टी दिइएको छ ।
विभिन्न आधुनिक फिचर्स भएको यस स्कुटरको आधिकारिक मूल्य भने साउन २१ गते नाइमा मोबिलिटी एक्स्पोको अवसरमा सार्वजनिक गरिने कम्पनीले जनाएको छ ।
