एथर इनर्जीको नेपालको आधिकारिक वितरक वैद्य इनर्जी प्रा.लि.ले नेपालमा ‘एथर रिज्ता’ सार्वजनिक गर्ने भएको छ । कम्पनीका अनुसार साउन २१ गते नाइमा मोबिलिटी एक्स्पोको उद्घाटनसँगै एथर रिज्तालाई पनि औपचारिक रुपमा नेपालमा सार्वजनिक गरिनेछ ।
उन्नत प्रविधि, उच्च प्रदर्वन, पारिवारिक डिर्जाइन र सुरक्षाका कारण भारतमा अधिक रुचाइएको एथर रिज्ताले नेपाली बजारमा पनि उल्लेख्य प्रतिक्रिया पाउने विश्वास गरिएको छ । यसलाई केवल स्कुटरका रुपमा मात्रै नभई आधुनिक जीवनशैलीका रुपमा ब्याख्या गरिएको छ ।
यस अवसरमा वैद्य इनर्जीका प्रमुख कार्यकारी अधिकृत सूर्यांश वैद्य भन्छन्, ‘रिज्ता केवल स्कुटर होइन, यो स्माट मोबिलिटीको उदाहरण हो । जुन हाम्रो देशको धेरैजसो जनसंख्याका लागि उपर्युक्त हुनेछ ।’ ४५० सिरिजको सम्पूर्ण प्रविधिलाई सरल र पहुँचयोग्य बनाउँदै ल्याइएको रिज्तामार्फत वैद्य इनर्जीले नेपालमा स्मार्ट र दीगो मोबिलिटीमा भूमीका निर्वाह गर्न चाहेको उनको भनाइ छ ।
एथर रिज्ता विभिन्न भेरियन्ट र आकर्षक कलरहरुमा उपलब्ध हुने कम्पनीले जनाएको छ । जसमा पावरफुल मोटर, लामो दूरी दिन सक्ने ब्याट्री, स्मार्ट कनेक्टिभिटी र थप स्टोरेज जस्ता विशेषता हुने जनाइएको छ ।
