काठमाडौँ महानगरपालिकाले सवारी साधनले नियम विपरित काम गरेमा भारी जरिवाना लिने भएको छ । महानगरले नियम विपरीत काम गर्ने सवारी साधनलाई ५ शिर्षकमा जरिवाना तोकेको हो ।
महानगरले चालु आर्थिक वर्ष २०८२/०८३ को बजेट कार्यान्वयनका लागि ल्याएको आर्थिक ऐनमा सवारी साधनलाई ५० हजार रुपैयाँसम्म जरिवाना तिर्नुपर्ने व्यवस्था गरेको हो ।
महानगरले तोकेको जरिवानाः
१) जथाभावी पार्किङ गरेमा ५ हजार रुपैयाँसम्म जरिवाना तिर्नुपर्ने भएको छ । तोकिएका स्थान बाहेकका स्थलमा पार्किङ गर्ने मोटरसाइकल, स्कुटरले १ हजार रुपैयाँ, कार, जीप, डेलिभरी भ्यान जस्ता चार पाङ्ग्रे सवारीले २ हजार ५ सय रुपैयाँ, मिनीबस, मिनीट्रक लगायत मझौला सवारी साधनले ३ हजार ५ सय रुपैयाँ र बस, ट्रक जस्ता ठूला सवारी साधनले ५ हजार रुपैयाँ जरिवाना तिर्नुपर्नेछ ।
२) सार्वजनिक सवारीले बस बिसौनी वा तोकिएको स्थान बाहेक भन्दा फरक स्थानमा यात्रु ओराल्ने वा चढाउने गरेमा ५ हजार रुपैयाँ जरिवाना तिर्नुपर्नेछ ।
३) सवारीसाधनले ध्वनी प्रदूषण गराएमा १ हजार रुपैयाँ जरिवाना तिर्नुपर्नेछ ।
४) सवारीसाधनले वायु प्रदूषण गराएमा १ हजार रुपैयाँ जरिवाना लाग्नेछ ।
५) सवारी साधन वा व्यक्तिले बाटोमा माटो, बालुवा तथा हिलो खसाली फोहोर गरे÷गराएमा ५० हजार रुपैयाँसम्म जरिवाना तिर्नुपर्नेछ ।
