नेपालमा BYD SEALION 7 Electric SUV सार्वजनिक भएको छ। बिवाईडीको नेपालका लागि आधिकारिक बिक्रेता साइमेक्स इंकले आज औपचारिक कार्यक्रम गरेर गाडी सार्वजनिक गरेको हो ।
कम्पनीले बिवाइडीको दोस्रो एसयूभीको रूपमा सिलायन सेभेनको बिक्री सुरु गर्न लागेको हो । अहिलेसम्म ब्लाइन्ड बुकिङ चलिरहेको सिलायन सेभेनको आजबाट औपचारिक रुपमा बिक्री खुलेको छ । नेपाल आएको सिलायन सेभेनमा ७१.८ किलोवाट आवरको ब्याट्री प्याक छ ।
कम्पनीका अनुसार सिलायन–सेभेनको लम्बाइ ४ हजार ८३० एमएम, चौडाइ १ हजार ९२५ एमएम, उचाइ १ हजार ६२० एमएम छ । यसमा २ हजार ९३० एमएम लामो ह्वीलबेस छ । सिलायन–सेभेनको प्रिमियम भेरिएन्ट रियर ह्विल ड्राइभ कन्फिगरेसनमा आएको छ, जसले ३१३ एचपी पावर र ३८० एनएम टर्क उत्पन्न गर्छ । परफर्मेसन भेरिएन्ट भने अल ह्विल ड्राइभ अप्सनमा आएको छ । जसले ५३० एचपी पावर र ६९० एनएम टर्क उत्पन्न गर्छ । सिलायन सेभेनको प्रिमियम भेरिएन्टले फुल चार्जमा ५६७ किलोमिटर र परफर्मेसन भेरिएन्टले ५४२ किलोमिटर रेन्ज दिने कम्पनीको दाबी छ ।
दुई वटा भेरियन्टमा गाडी सार्वजनिक गरिएको हो, जसको मूल्य ७२ लाख ९९ हजार र ७४ लाख ९९ हजार तोकिएको छ।
