नेपाली बजारमा बिवाईडीको सिलायन–सेभेन आज औपचारिक रुपमा लन्च हुँदैछ । बिवाइडीको नेपालका लागि आधिकारिक बिक्रेता साइमेक्स इंक प्रा.लि.ले नेपाली बजारमा बिवाइडीको दोस्रो एसयूभीको रूपमा सिलायन सेभेनको बिक्री सुरु गर्न लागेको हो ।
अहिलेसम्म ब्लाइन्ड बुकिङ चलिरहेको सिलायन सेभेनको आजबाट औपचारिक रुपमा बिक्री खुल्नेछ । नेपाल आएको सिलायन सेभेनमा ७१.८ किलोवाट आवरको ब्याट्री प्याक छ ।
कम्पनीका अनुसार सिलायन–सेभेनको लम्बाइ ४ हजार ८३० एमएम, चौडाइ १ हजार ९२५ एमएम, उचाइ १ हजार ६२० एमएम छ । यसमा २ हजार ९३० एमएम लामो ह्वीलबेस छ ।
सिलायन–सेभेनको प्रिमियम भेरिएन्ट रियर ह्विल ड्राइभ कन्फिगरेसनमा आउँछ, जसले ३१३ एचपी पावर र ३८० एनएम टर्क उत्पन्न गर्छ । परफर्मेसन भेरिएन्ट भने अल ह्विल ड्राइभ अप्सनमा आएको छ । जसले ५३० एचपी पावर र ६९० एनएम टर्क उत्पन्न गर्छ ।
सिलायन सेभेनको प्रिमियम भेरिएन्टले फुल चार्जमा ५६७ किलोमिटर र परफर्मेसन भेरिएन्टले ५४२ किलोमिटर रेन्ज दिने कम्पनीको दाबी छ । निकै आधुनिक विशेषतासहित आएको यस गाडीको मूल्य भने कम्पनीले गाडी लन्च गर्दा सार्वजनिक गर्नेछ ।
साउन २१ बाट सुरु हुने नाइमा मोबिलिटी एक्स्पोमा बिवाईडीको सिलायन सेभेनमा आकर्षण बढ्ने देखिन्छ ।
