नेपाली समाज आज पनि कृषिमा निर्भर छ । तर, निर्वाहमुखी कृषिबाट व्यवसायिक कृषितर्फको यात्रा भने अझै पनि सुस्त नै देखिन्छ । यसर्थ, मुलुकको अन्नभण्डार तराई मधेशमा आधुनिक कृषिको जग बसाल्दै सिङ्गो नेपालमा उदाहरण प्रस्तुत गर्ने उदेश्यले ‘स्वस्तिक एग्रो इन्डष्ट्रिज’को स्थापना भएको छ ।
आधुनिक कृषिमार्फत सबल अर्थतन्त्र निर्माणमा योगदान दिने उदेश्यले २०७९ सालमा स्थापना भएको ‘स्वस्तिक एग्रो इन्डष्ट्रिज’ले अहिले आधुनिक फार्म बनाएर गाइ पालन गरिरहेको छ । जहाँबाट उत्पादन भएको दैनिक ३ सय लिटर दूध बजारमा पुगिरहेको छ ।
स्वस्तिक एग्रोले फार्ममा रहेका गाईको स्वास्थ्यलाई विशेष प्राथमिकता दिन्छ । ज्वरो नाप्ने, नुहाउने मात्रै नभई दूध दुहुनासाथ गाईको थुनमा ‘एन्टि सेफ्टिक’ लगाइन्छ, जसले थुनिलो हुनबाट बचाउँछ । यदि हेरचाह गर्दागर्दै पनि कुनै गाई बिरामी भइहालेमा त्यसलाई तत्कालै समूहबाट अलग गराएर छुट्टै क्वारेन्टाइनमा राखिन्छ र उपचार गरिन्छ । निको भएपछि मात्रै पुनः समूहमा फर्काइन्छ ।
मधेशमा अधिक गर्मी हुने भएकाले त्यसबाट गाईलाई बचाउन फार्ममा पङ्खा जडान गरिएको छ ।
कम्पनीले गाईको गोबरलाई खेर जान नदिई मल बनाएर घाँस खेतीमा उपयोग गरिरहेको छ । डेढ बिगाहा जमिनमा कम्पनीले नै घाँस खेती पनि गरिरहेको छ । यदि, आफ्नो घाँस खेतीमा प्रयोग गर्दा पनि मल बढी भएमा आसपासका किसानलाई बिक्री गरिन्छ ।
विभिन्न प्रजातीका गाईले भरिएको फार्ममा प्राविधिसहित २४सैँ घण्टा कामदारहरु खटिन्छन् । कम्पनीले भविष्यमा १०० वटा गाई पु¥याउने लक्ष्य लिएको छ ।
आर्थिक वर्ष २०८१/०८२ मा करिब १० लाख हाराहारी नाफा आर्जन गरिसकेको कम्पनी जम्मा ७ जना प्रोमोटर सेयरधनीको लगानीबाट सुरु भएको हो । जहाँ अहिले २७ जना लगानीकर्ता पुगिसेका छन् । २ वर्षमा पूँजी बढाएर २७ करोड पु¥याउने कम्पनीको लक्ष्य छ । उत्पादन क्षमता पनि अहिलेको तुलनामा ३ गुणा बढाउने कम्पनीको लक्ष्य छ ।
यति मात्रै होइन, कम्पनीका अध्यक्ष सत्यनारायण झाका अनुसार दूध उत्पादन र प्याकेजिङदेखि दूधजन्य धेरै परिकार बनाएर बजारमा पठाउने कम्पनीको योजना छ । अध्यक्ष झाका अनुसार उत्पादनहरु आफ्नै ब्राण्डमा बजार पठाइनेछ । साथै, निकट भविष्यमै कम्पनीले सर्वसाधारण लगानीकर्तामा आईपीओ निष्काशनसमेत गर्दैछ । जसका लागि नबिल इन्भेष्टमेन्ट बैंकिङसँग सम्झौता पनि भइसकेको छ ।
साथै, कम्पनी किन स्थापना भयो ? कम्पनीको लक्ष्य के हो ? कम्पनीको भविष्यका योजना के कस्ता छन् ? भन्ने विषयमा जानकारी दिन कम्पनीले एउटा भिडियो सामग्री पनि तयार पारेको छ ।
भिडियो हेर्नुहोस्ः
