स्वस्तिक लघुवित्तको ११ हजार कित्ता बढी शेयरको लकइन अवधि आगामी फागुनमा समाप्त हुने भएको छ । कम्पनीले आईपीओ निष्काशन गर्दा सामुहिक लगानी कोषहरुलाई छुट्याएर निष्काशन गरेको ११ हजार ५ सय ५० कित्ता शेयरको लकइन अवधि फागुन ११ गते सकिने भएको हो।
लकइन अवधि सकिएपछि म्युचुअल फण्डहरुले आइपीओ निष्काशनको क्रममा खरिद गरेको शेयर बिक्री गर्न सक्ने छन् । कम्पनीले गत साउन ३० देखि भदौ ३ गतेसम्म आईपीओ निष्काशन गरेको थियो। सो आईपीओ भदौ १२ गते बाँडफाँड भएको थियो ।
आइपीओ निष्काशन गर्दा सामुहिक लगानी कोषहरुलाई छुट्याईएको शेयर ६ महिनासम्म लकइनमा राख्नु पर्ने व्यवस्था रहेको छ।
यस लघुवित्त वित्तीय संस्था “घ” वर्गको प्रदेशिकस्तरको वित्तीय संस्था हो जसको कार्यक्षेत्र मधेस प्रदेश (प्रदेश नं. २) रहेको छ ।
