नेरुडे मिर्मिरे लघुवित्तको प्रमुख कार्यकारी अधिकृतमा केशव प्रसाद पौडेल नियुक्त भएका छन्। लघुवित्तको पुस ३ गते बसेको संचालक समितिको बैठकले पौडेललाई सीइओ नियुक्त गर्ने निर्णय गरेको हो।
कम्पनीका अनुसार उनको कार्यकाल आज पुस ४ गतेबाट सुरु भएको छ । उनीसँग लघुवित्त क्षेत्रमा ३ दशकको कार्य अनुभव रहेको छ ।
पौडेल यस अघि तत्कालीन सबैको लघुवित्तको सीइओ थिए। तत्कालीन सबैको लघुवित्त र साधना लघुवित्त मर्ज भएर सम्पदा लघुवित्त कायम भएको थियो । उनी करिव १० महिना सम्पदा लघुवित्तको पनि सीइओ भएका थिए, त्यसपछि भने उनले राजीनाम दिएका थिए।
