गुराँस लघुवित्तमा ५ जनासँग कम्पनीको ४ प्रतिशत भन्दा धेरै स्वामित्व रहेको छ। कम्पनीको आर्थिक वर्ष २०८१/८२ को विवरण अनुसार कम्पनीमा ५ जनासँग ४ प्रतिशत वा सो भन्दा बढी स्वामित्व रहेको देखिएको हो।
कम्पनीमा उदय नारायण बराल, मदन खतिवडा, राजु प्रसाद अधिकारी र अशोक गौतमसँग समान ५.३२ प्रतिशत स्वामित्व रहेको छ। उनीहरुसँग कम्पनीको समान ६१ हजार ६ सय ६१ कित्ता शेयर रहेको छ। त्यस्तै अन्जु दाहालसँग ४.८४ प्रतिशत शेयर स्वामित्व रहेको छ। समग्रमा यी ५ जनासँग कम्पनीको २६.१२ प्रतिशत शेयर स्वामित्व रहेको छ।
यी मध्ये उदय नारायण बराल कम्पनीका अध्यक्ष हुन् । त्यस्तै मदन खतिवडा, र अशोक गौतम कम्पनीका संचालक छन् । कम्पनीमा राजु अधिकारी पनि संचालक थिए, उनले २०८१ कार्तिकमा संचालक पदबाट राजीनामा दिएका थिए। अघिल्लो आर्थिक वर्षको तुलनामा उनीहरुको शेयर स्वामित्वमा कुनै परिवर्तन भएको देखिदैन । कम्पनीमा हाल सीइओ रहेका विष्णु प्रसाद उपाध्यायसँग ३.३८ प्रतिशत शेयर स्वामित्व रहेको छ।
कम्पनीले यहि कार्तिक २३ गते आर्थिक वर्ष २०८१/८२ को साधारणसभा गर्दै छ। जसमा कम्पनीले १४.२५ प्रतिशत बोनस शेयर र कर प्रयोजनको लागि ०.७५ प्रतिशत नगद गरि कुल १५ प्रतिशत लाभांश प्रस्ताव गरेको छ।
