सूर्योदय वोमी लघुवित्त विभिन्न पदमा ४२ जना कर्मचारी माग गरेको छ । कम्पनीले सहायक द्वितीयदेखि सुपरभाइजरसम्मको पदको लागि कर्मचारी माग गरेको हो।
कम्पनीले सहायक श्रेणीको सहायक द्वितीय पदमा ३० जना, सहायक श्रेणीको सहायक पदमा १ जना, सहायक श्रेणीको वरिष्ठ सहायक (शाखा प्रमुख)मा १० जना र सहायक श्रेणीको सुपरभाइजर (शाखा प्रमुख) मा १ जना गरि कुल ४२ जना कर्मचारी माग गरेको हो।
लघुवित्तका अनुसार आवेदन दिने अम्तिम मितिमा १८ बर्ष पुरा भई ३५ बर्ष ननाघेकोले आवेदन दिन सक्ने छन् । महिला उमेद्वारको हकमा माथिल्लो उमेर हदमा पाँच बर्ष थप हुने बताईएको छ । मोटरसाईकल वा स्कुटरको सवारी चालक अनुमति पत्र भएकोलाई प्राथमिकता दिइने लघुवित्तले उल्लेख गरेको छ । दरखास्त दिने अन्तिम मिति २०८२ कार्तिक २१ गते रहेको छ भने सो दिन कार्यालय विदा भएमा सो पश्चात् कार्यालय खुलेको मिति अन्तिम दिन हुनेछ ।
लघुवित्तका अनुसार संस्थाको वेबसाईटमा रहेको दरखास्त फारम डाउनलोड गरि इमेल ठेगाना [email protected] मार्फत आवेदन दिनु पर्ने छ। परीक्षाको किसिम लिखित÷अन्तर्वार्ता वा दुवै हुने कम्पनीले जनाएको छ । आवेदन दस्तुर ५०० रहेको र वित्तीय संस्थाको नाममा रहेको गरिमा विकास बैंक, स्याङ्जाको खाता नं. ००५००१०००५५५६६०००००२ मा जम्मा गरी दरखास्त फारम संगै संलग्न गरी पेश गर्नु पर्ने भनिएको छ । परीक्षामा समावेस हुन दस्तुर बुझाएको भौचर साथमा ल्याउनु पर्ने जनाईएको छ ।
लिखित÷अन्तर्वार्ता परीक्षाको पाठ्यक्रम संस्थाको वेबसाईटमा carrer अन्तर्गत राखिएको लघुवित्तले जनाएको छ । सर्ट लिस्टमा परेका उमेद्वारहरुलाई मात्र छनौट प्रक्रियाको लागि सम्पर्क गरिने र उनीहरुको परीक्षा सम्बन्धी कार्यक्रम संस्थाको वेवसाईटमा पछि पकाशित गरिने लघुवित्तले उल्लेख गरेको छ । पारिश्रमिक र अन्य सुविधाहरु संस्थाको नियमानुसार हुनेछ सूचनामा उल्लेख छ।
के चाहिन्छ योग्यता ?
सहायक द्वितीयलाई : एस.एल.सि÷एस.ई.ई सरहको परीक्षा उत्तीर्ण । कम्तिमा डि प्लस ग्रेड, न्यूनतम १.६ जि.पि.ए. ल्याएको हुनु पर्नेछ । लघुवित्त तथा वित्तीय क्षेत्रमा कम्तिमा ३ वर्षको कार्यानुभव भएको र स्नातक तह उत्तीर्णलाई विशेष प्राथमिकता ।
सहायक प्रथमलाई : एस.एल.सि÷एस.ई.ई सरहको परीक्षा उत्तीर्ण । कम्तिमा डि प्लस ग्रेड, न्यूनतम १.६ जि.पि.ए. ल्याएको हुनु पर्नेछ । लघुवित्त तथा वित्तीय क्षेत्रमा कम्तिमा ३ वर्षको कार्यानुभव भएको साथै स्नातक तह उत्तीर्णलाई विशेष प्राथमिकता ।
वरिष्ठ सहायक (शाखा प्रमुख)लाई : प्रविणता प्रमाणपत्र वा सो सरहको परीक्षा उत्तीर्ण गरी बैंङ्क तथा वित्तीय संस्थामा कम्तीमा १ वर्षको कार्य अनुभव भएको हुनुपर्ने वा एस.एल.सि÷एस.ई.ई सरहको परीक्षा उत्तीर्ण गरेर बैंङ्क तथा वित्तीय संस्थामा कम्तीमा ३ बर्षको अनुभव भएको हुनुपर्ने छ । स्नातक तह उत्तीर्ण भई लघुवित्तमा कम्तिमा ५ बर्ष कार्यानुभव भई कम्तीमा ३ बर्ष शाखा प्रमुखको जिम्मेवारी निर्वाह गरेकोलाई विशेष प्राथमिकता ।
सुपरभाईजर (शाखा प्रमुख)लाई : प्रविणता प्रमाणपत्र वा सो सरहको परीक्षा उत्तीर्ण गरी बैंक तथा वित्तीय संस्थामा कम्तीमा १ वर्षको कार्य अनुभव भएको हुनुपर्ने वा एस.एल.सि / एस.ई.ई सरहको परीक्षा उत्तीर्ण गरी बैंक तथा वित्तीय संस्थामा कम्तीमा ३ बर्षको अनुभव भएको हुनुपर्ने छ । स्नातक तह उत्तीर्ण भई लघुवित्तमा कम्तिमा ४ बर्ष शाखा प्रमुखको जिम्मेवारी निर्वाह गरेकालाई विशेष प्राथमिकता ।
