स्वस्तिक लघुवित्तले गत आर्थिक वर्षको संस्थाको बजेट कार्यन्वयनको समिक्षा गरेको छ । संस्थाले आर्थिक वर्ष २०८१÷८२ को बजेट कार्यान्वयनको समिक्षा गरेको हो ।
यस अवसरमा बजेट तथा कार्यक्रम कार्यान्वयनमा भोगेको सकारात्मक तथा नकारात्मक विषय उपरमाथि समिक्षा गर्दै सेवालाई निरन्तरता कायम राखि उत्कृष्ट कार्यसम्पादन गर्ने कर्मचारीहरुलाई पुरस्कृत पनि गरिएको कम्पनीले जनाएको छ । बिगतको चुनौतिलाई सामाधान गर्दै चालु आर्थिक वर्षमा कसरी कार्य गर्ने भन्ने विषयमा कर्मचारीहरुसँग अन्तरक्रिया गर्दै बजेट कार्यान्वयनको योजना सम्बन्धि तालिम संचालन गरिएको संस्थाको संचालन विभाग प्रमुख सन्तोष कुमार साहले जानकारी दिए ।
संस्थाले केही दिन अगाडी नै आईपिओ जारी गरेको र आईपिओबाट प्राप्त पुँजीलाई व्यवसाय विस्तारमा प्रयोग गरि संस्थाको व्यवसायलाई बृद्धि गर्ने योजना भएको रहेका संस्थाका प्रमुख कार्यकारी अधिकृत धिरेन्द्र लाल कर्णले बताए ।
आईपिओमा आवेदन दिने अवधि समापन भईसकेको र हाल बाँडफाँडको तयारीमा रहेकोले छिट्टै बाँडफाँड पनि गरिने उनको भनाइ छ ।
