नेपाल राष्ट्र बैंकले चालु आर्थिक वर्षको मौद्रिक नीतिमा आएका व्यवस्था कार्यान्वयन गर्नको लागि सर्कुलर जारी गरेको छ। राष्ट्र बैंकको बैंक तथा वित्तीय संस्था नियमन विभागले आज एकिकृत निर्देशन जारी गरेको हो ।
यस क्रममा राष्ट्र बैंकले पूर्वाधार विकास बैंकलाई २ बुँदे निर्देशन जारी गरेको छ। हाल पूर्वाधार विकास बैंकको रुपमा निफ्रा मात्र रहेकोले यो निर्देशन निफ्रालाई लागु हुने छ।
नयाँ निर्देशन अनुसार अब निफ्राले चेक अनादर भएको कारणले मात्र निर्माण व्यवसायी संस्थालाई २०८१ मंसिर मसान्तसम्म कालोसूचीमा समावेश गर्न पाउने छैन। नयाँ निर्देशन अनुसार ‘चालू पुँजी कर्जासम्बन्धी मार्गदर्शन, २०७९’ को बुँदा नं. ७ मा भएकोभेरियान्स सम्बन्धी व्यवस्था २०८२ साउन १ गतेदखि मात्र लागु हुनेछ ।
