मन्जुश्री फाईनान्सले आफ्नो २८औँ शाखा थापाथलीस्थित आफ्नै भवनबाट सञ्चालनमा ल्याएको छ । आफ्नै भवनमा केन्द्रिय कार्यालय संचालनमा ल्याए पछि फाईनान्सले माघ ८ गतेबाट थापाथलीस्थित भवनमा आफ्नो थापाथली शाखा सञ्चालनमा ल्याएको हो ।
यसअघिसम्म २७ वटा शाखा र एक एक्सटेन्सन काउन्टरबाट सेवा प्रदान गर्दै आएको मन्जुश्री फाईनान्सलले २८औँ शाखासमेत सञ्चालनमा ल्याएको हो ।
पुस मसान्तसम्ममा फाईनान्सले २४ अर्ब ३ करोड रुपैयाँ निक्षेप संकलन गरी २० अर्ब ६१ करोड रुपैयाँ कर्जा लगानी गरेको छ । पुस मसान्तसम्ममा फाइनान्सको वितरणयोग्य मुनाफा २३ करोड ५६ लाख रुपैयाँ रहेको छ भने प्रतिशेयर आम्दानी २०.०३ रुपैयाँ रहेको छ ।
पौष मसान्तको कुल नाफा १३ करोड ५४ लाख रहेको यस फाईनान्सले ग्राहक सेवा तथा डिजिटल बैंकिंगमा अग्रसर रही हालै आफ्ना ग्राहकहरुका लागि फोनपे सँगको सहकार्यमा मन्जुश्री फोनेपे भर्चुअल क्रेडिट कार्ड सेवाको पनि सुरुवात गरेको छ ।
