धनगढीमाइ–०८, कसाहास्थित दुर्गा मन्दिरमा भक्तजनहरूलाई समृद्धि फाइनान्स कसाहा शाखाले निःशुल्क पानी र फ्रुटी (जुस) वितरण गरेको छ । फाइनान्सको शाखाले आश्विन ६ गते बडादशैँको प्रथम दिन घटस्थापनाको अवसरमा आयोजित मेलामा उक्त सहयोग गर्नुका साथै विजया दशमीको शुभकामना आदानप्रदान गरेको छ।
सो दिन, दुर्गा मन्दिरमा भव्य कलश शोभा यात्रा सम्पन्न हुन्छ । दुर्गा मन्दिरबाट निस्किएको कलश यात्रा देवीटोकी दहबाट जल भरेर ग्रामपरिक्रमा गर्दै पुनः मन्दिर परिसरमै फर्किएको थियो । यस यात्रामा धनगढीमाइ नगरपालिका वडा नम्बर ६, ७ र ८ का ५०० भन्दा बढी भक्तजनहरूको उत्साहपूर्ण सहभागिता रहेको थियो ।
समाजप्रति उत्तरदायी रहँदै समृद्धि फाइनान्सले विगतदेखि नै विभिन्न सामाजिक कार्य गर्दै आएको छ । हाल देशभरका १३ वटा शाखामार्फत समृद्धि फाइनान्सले ECC, मोबाइल बैंकिङ, Connect IPS, IPS, RTGS लगायत सम्पूर्ण आधुनिक बैंकिङ सेवा उपलब्ध गराउँदै आएको छ ।
