आर्थिक वर्ष २०८०/८१ मा विकास बैंकहरुले १५ अर्ब बढी शेयर धितो कर्जा प्रवाह गरेको पाईएको छ । नेपाल राष्ट्र बैंकको तथ्यांक अनुसार विकास बैंकहरुले गत आर्थिक वर्षमा १५ अर्ब ५९ करोड ३८ लाख रुपैयाँ बराबरको शेयर धितोकर्जा प्रवाह गरेका हुन् ।
जस मध्ये मुक्तिनाथ विकास बैंकले सबैभन्दा धेरै २ अर्ब ८० करोड शेयर धितो कर्जा प्रवाह गरेको छ भने महालक्ष्मी विकास बैंकले २ अर्ब २५ करोड शेयर धितोकर्जा प्रवाह गरेको छ। त्यस्तै शाइन रेसुङ्गा डेभलपमेन्ट बैंकले १ अर्ब ७८ करोड, ज्योति विकास बैंकले १ अर्ब ७७ करोड, गरिमा विकास बैंकले १ अर्ब ७७ करोड , कामना सेवा विकास बैंकले १ अर्ब १ अर्ब ६० करोड, तथा शांग्रिला डेभलपमेन्ट बैंकले १ अर्ब १५ करोड शेयर धितो कर्जा प्रवाह गरेका छन्।
सालपा विकास बैंक , कर्पोरेट डेभलपमेन्ट बैंक, कर्णाली डेभलपमेन्ट बैंक र नारायणी डेभलपमेन्ट बैंकले शेयर धितो कर्जा प्रवाह गरेका छैनन्। विकास बैंक मध्ये सप्तकोशी डेभलपमेन्ट बैंकले सबैभन्दा कम ३ करोड ८० लाख, ग्रीन डेभलपमेन्ट बैंकले ३ करोड ८७ लाख , तथा मितेरी डेभलपमेन्ट बैंकले ५ करोड ९० लाख शेयर धितो कर्जा प्रवाह गरेका छन् ।
२०८१ साउनमा विकास बैंकले प्रदान गरेको शेयर धितोकर्जाको भारित औसत ब्याजदर १०.५० प्रतिशत रहेको छ।
हेर्नुस् कुन विकास बैंकले कति दिए शेयर धितो कर्जा ?
यो पनि : वाणिज्य बैंकद्वारा गत वर्ष ७० अर्ब शेयर धितो कर्जा प्रवाह, कुन बैंकको कति ?
