नेपाल इन्भेष्टमेन्ट मेगा बैंकमा ०.५ प्रतिशतभन्दा धेरै शेयर हुने शेयरधनीको संख्या १४ रहेको छ। कम्पनीको आर्थिक वर्ष २०८१/८२ को विवरण अनुसार कम्पनीमा १४ शेयरधनीसंग मात्र ०.५ प्रतिशतभन्दा धेरै शेयर रहेको देखिएको हो। यी सबै शेयरधनी संथागत हुन्।
बैंकमा राष्ट्रिय बीमा कम्पनीको सर्वाधिक ६.७३ प्रतिशत शेयर स्वामित्व रहेको छ भने महालक्ष्मी इन्भेष्टमेन्टको ३.९६ प्रतिशत स्वामित्व रहेको छ। त्यस्तै छायाँ इन्भेष्टमेन्टको ३.६८ प्रतिशत, केयुपी इन्भेष्टमेन्टको ३.५१ प्रतिशत, सोफिया इन्भेष्टमेन्टको ३.३३ तथा सिटिजन इन्भेष्टमेन्टको १.३२ प्रतिशत स्वामित्व रहेको छ।
अन्य शेयरधनीको भने १ प्रतिशत भन्दा कम स्वामित्व रहेको छ। जसमा अन्नपूर्ण इन्भेष्टमेन्ट, सूर्य इन्फोसिस, र प्रेसटाईन इन्भेष्टमेन्टको समान ०.७४ प्रतिशत स्वामित्व रहेको छ। त्यस्तै कमला इन्भेष्टमेन्टको ०.७० प्रतिशत, लोटस इन्भेष्टमेन्टको ०.६५ प्रतिशत , राष्ट्रिय बीमा संस्थानको ०.६४ प्रतिशत, मर्केन्टाइल इन्भेष्टमेन्टको ०.५७ प्रतिशत तथा सिटिजन युनिट स्किमको ०.५६ प्रतिशत स्वामित्व रहेको छ।
आर्थिक वर्ष २०८०/८१ मा ०.७० प्रतिशत शेयर स्वामित्व रहेको नोबल इन्भेष्टमेन्ट भने हाल ठूला शेयरधनीको सूचीबाट बाहिरिएको छ।
