नेपाल राष्ट्र बैंकले आज असार ३ गतेदेखि ५०० रुपैयाँको नयाँ नोट चलनचल्तीमा ल्याएको छ । राष्ट्र बैंकले साविककै आकार तथा रङ्गमा, सङ्केत नं. झ ३८ ०००००१ देखि ट ८३ ९९९९९९ सम्मको नोट आज असार ३ गते देखि चलनचल्तीमा ल्याएको हो ।
यी नोटको अग्र भागमा नोटको मध्य खण्डमा “श्री नेपाल राष्ट्र बैंक, नेपाल सरकारको जमानत प्राप्त यसको रुपैया“ भुक्तानी माग्न आएमा नेपाल राष्ट्र बैंकबाट रुपैया“ ५०० रुपैयाँ पाँच सय तुरुन्त पाइने छ ।” भन्ने प्रतिज्ञामूलक वाक्यांश उल्लेख भएको । नोटको बायाँतर्फ सगरमाथा हिमालको चित्र तथा दायाँतर्पm लालीगुराँसको पानी छाप रहेकोर तल्लो खण्डमा सिरिज नम्बर “वि.सं. २०८२” लेखिएको छ । साथै, पानीछापको बायाँतर्फ फरक क्षमता भएका (दृष्टिविहीन) हरुले स्पर्श गरेर नोटको दर पहिचान गर्नका लागि दुईवटा कालो थोप्लाहरु रहेका छन् ।
सगरमाथा हिमालको दायाँतर्फ अण्डाकार आकृतिभित्र सीधा हेर्दा सुनौलो र ढल्काएर हेर्दा हरियो देखिने कुबेरको चित्र रहेको छ । नोटमा गभर्नर प्रा.डा. विश्वनाथ पौडेलकोदस्तखत रहेको छ भने नोटमा ३.५ मि.मी. चौडा भएको सीधा हेर्दा रातो र ढल्काएर हेर्दा हरियो देखिने सुरक्षण धागो रहेको छ।
नोटको पृष्ठ भागमा नोटको मध्य खण्डमा पाटेबाघको चित्र र सोको माथि NEPAL RASTRA BANK लेखिएको छ। नोटको तल्लो खण्डमा “RUPEES FIVE HUNDRED” र सिरिज नम्बर “2025 AD” लेखिएको छ।
