नेपाल राष्ट्र बैंकका डेढ सय कर्मचारीको बढुवा हुने भएको छ। राष्ट्र बैंकको मानव संशाधन व्य्वात्शापन विभागका अनुसार कार्यक्षमता मुल्यांकन तथा अन्तरिक प्रतिस्पर्धाबाट कर्मचारी बढुवा गरिन लागेको हो।
विभागले बढुवाको सम्भाब्य रहेका उम्मेदवारहरुलाई पुस १० गतेसम्ममा आवेदन दिन भनेको छ। आवेदन राष्ट्र बैंकको वेबसाइटबाट अनलाइन दिन सकिने छ। आन्तरिक प्रतिस्पर्धाको परीक्षा भने लोक सेवा आयोगले लिने छ।
कुन पदमा कति जनाको बढुवा हुँदै ?
प्रशासनतर्फ निर्देशकमा ८ जना, उपनिर्देशकमा २० जना, सहायक निर्देशकमा १३ जना, प्रधान सहायकमा ४५ जना र सहायकमा ४ जनाको बढुवा हुन लागेको हो। त्यस्तै प्राविधिकमा १ जना चालक सुपरभाइजर र १ जना सहायक निर्देशक (प्रेस) को बढुवा हुन लागेको हो ।
आन्तरिक प्रतिस्पर्धाबाट निर्देशकमा ४ जना, उपनिर्देशकमा ८ जना, सहायक निर्देशकमा १२ जना, प्रधान सहायकमा ३१ जना, र सहायकमा ३ जनाको बढुवा हुन लागेको हो ।
राष्ट्र बैंकले खुला प्रतिस्पर्धाबाट पदपूर्ति गर्ने गरि ७६ जना नयाँ कर्मचारी पनि माग गरेको छ।
