चालु आर्थिक वर्ष २०८०/८१ को १० महिनामा अवधिमा वाणिज्य बैंकहरुले ४८ अर्ब ६० करोड बढी खुद नाफा कमाएका छन् । नेपाल राष्ट्र बैंकको तथ्यांक अनुसार २०८० साउन देखि २०८१ वैशाखसम्मको अवधिमा हाल संचालनमा रहेका २० वाणिज्य बैंकले गरि कुल ४८ अर्ब ६० करोड ६७ लाख बढि खुद नाफा कमाएका हुन्।
जस मध्ये नबिल बैंकले सर्वाधिक ५ अर्ब ४६ करोड खुद नाफा कमाएको छ भने ग्लोबल आईएमई बैंकले ४ अर्ब १२ करोड खुद नाफा कमाएको छ । त्यस्तै नेपाल इन्भेष्टमेन्ट मेगा बैंकले ३ अर्ब ७७ करोड, प्राइम कमर्शियल बैंकले ३ अर्ब २२ करोड खुद नाफा कमाउँदा एभरेष्ट बैंकले २ अर्ब ९८ करोड खुद नाफा कमाएको छ ।
यस अवधि नेपाल बैंकको खुद नाफा सबैभन्दा कम अर्थात् ५९ करोड ३ लाख मात्रै रहेको छ । त्यस्तै माछापुच्छ्रे बैंकले १ अर्ब १० करोड खुद नाफा कमाएको छ भने नेपाल एसबिआई बैंकले १ अर्ब ४२ करोड २९ लाख तथा कुमारी बैंकले १ अर्ब ४२ करोड ९२ लाख खुद नाफा कमाएको छ ।
हेर्नुस् कुन बैंकको खुद नाफा कति ?
